జులైలో 10 శాతం పెరిగిన హోండా మోటార్‌సైకిల్ సేల్స్

జులై 2011లో హోండా ద్విచక్ర వాహన అమ్మకాలు 1,52,382 యూనిట్లకు పెరిగాయి. గతేడాది ఇదే సమయంలో కంపెనీ అమ్మకాలు 1,38,445 యూనిట్లుగా ఉన్నట్లు హెచ్ఎమ్ఎస్ఐ ఓ ప్రకటనలో పేర్కొంది.

కాగా.. జులై 2011లో మోటార్‌సైకిళ్ల అమ్మకాలు 2 శాతం క్షీణించి 60,740 యూనిట్లకు పడిపోయాయి. గతేడాది ఇదే నెలలో మోటార్‌సైకిళ్ల అమ్మకాలు 61,769 యూనిట్లుగా ఉన్నాయి. హోండా 150 సీసీ సెగ్మెంట్లో అందిస్తున్న 'సిబి యునికార్న్' వెయిటింగ్ పీరియడం ఆరు నెలలకు పెరగడంతో ఇది కంపెనీ విక్రయాలపై ప్రభావాన్ని చూపింది.

అయితే, స్కూటర్ల సెగ్మెంట్లో మాత్రం అమ్మకాలు ప్రోత్సాహకర వృద్ధిని కనబరిచాయి. గత నెలలో హోండా స్కూటర్ అమ్మకాలు 20 శాతం పెరిగి 91,642 యూనిట్లుగా నమోదయ్యాయి. జులై 2010లో స్కూటర్ అమ్మకాలు 76,676 యూనిట్లుగా ఉన్నాయి. ప్రస్తుతం స్కూటర్ సెగ్మెంట్లో మార్కెట్ లీడర్‌గా హోండా ఆక్టివాకు మార్కెట్లో మంచి ఆదరణ లభిస్తోంది.