Click it and Unblock the Notifications
యునికార్న్ వెయిటింగ్ పీరియడ్ 6 నెలలకు పెంపు
కంపెనీ ఫ్లాగ్షిప్ మోడల్ అయిన హోండా యునికార్న్ మోడల్ను కంపెనీ 2005లో విడుదల చేసింది. బజాజ్ ఆటో అందిస్తున్న పల్సర్, టీవీఎస్ మోటార్ కంపెనీ అందిస్తున్న అపాచీ మోడళ్లకు ఇది గట్టి పోటీను ఇస్తుంది. మోనో షాక్ అబ్జార్వర్ సిస్టమ్తో భారత మార్కెట్లో విడుదల తొలి బైక్ సిబి యునికార్న్ కావడం విశేషం. కాగా.. యునికార్న్లో విడుదల చేసిన మరో వేరియంట్ యునికార్న్ డాజ్లర్లో బ్లాక్, రెడ్ కలర్ బైక్లు 30 రోజుల్లో డెలివరీ అవుతుండగా, మెటాలిక్ గ్రే, గోల్డ్ కలర్ బైక్ల వెయిటింగ్ పీరియడ్ మూడు నెలల వరకూ పడుతుంది.
అలాగే, స్కూటర్ సెగ్మెంట్లో కంపెనీ అందిస్తున్న బెస్ట్ సెల్లింగ్ స్కూటర్ ఆక్టివా వెయిటింగ్ పీరియడ్ కూడా ఎన్నుకునే కలర్ను బట్టి రెండు నుంచి నాలుగు నెలల వరకూ సమయం పడుతోంది. యునికార్న్ డాజ్లర్ విడుదలతో యునికార్న్ మోడల్ ఉత్పత్తి నిలిచిపోతుందేమో అని మార్కెట్ వర్గాలు భావించాయి. అయితే... బైక్ లవర్స్ యునికార్న్ డాజ్లర్ కన్నా పాత వెర్షన్ యునికార్న్పై ఎక్కువ మక్కువ చూపుతుండటంతో ఆ మోడల్కు డిమాండు పెరిగింది.
ఈ నేపథ్యంలో యునికార్న్ ఉత్పత్తిని నిలిపివేయలేదని, వెయింటిగ్ పీరియడ్ను మాత్రమే పెంచామని కంపెనీ అధికార ప్రతినిధి ఒకరు వెల్లడించారు. కాబట్టి యునికార్న్ మోడల్ను బుకింగ్ చేసుకున్న వారు దాన్ని సొంతం చేసుకునేందుకు ఆరు నెలలు ఆగక తప్పదు మరి.
Continue with Google