గంటకు 502 కి.మీ. వేగంతో ప్రయాణించే హయబుసా బైక్!

ఫ్లోరిడాకు చెందిన బిల్ వార్నర్ అనే వ్యక్తి ఈ బైక్‌ను టర్బోఛార్జ్‌డ్ మోటార్‌సైకిల్‌గా తీర్చిదిద్ది గంటకు 502 కిలోమీటర్ల (గంటకు 311.945 మైళ్ల) వేగంతో ప్రయాణించి ఓ సరికొత్త రికార్డును సృష్టించాడు. గతంలో అత్యంత వేగంగా ప్రయాణించే బైక్ రికార్డును ఇతను అధిగమించాడు. గతేడాదిలో 'స్ట్రీమ్‌లైనర్' మోటార్‌సైకిల్స్ గంటకు గరిష్టంగా 448.36 కిలోమీటర్ల (గంటకు 278.6 మైళ్ల) వేగంతో ప్రయాణించి రికార్డును నెలకొల్పగా ఆ రికార్డ్‌ను వార్నర్ అధిగమించి మరో కొత్త రికార్డును సృష్టించాడు.

ఈ రికార్డు సృష్టించిన వార్నర్ తన అనుభవాన్ని పంచుకుంటూ.. "ఈ బైక్‌ను 502 కి.మీ. వేగానికి తీసుకువెళ్లడం పెద్ద కష్టమైన పనేం కాదు. అయితే, అంత వేగంలో వెళ్లే ఈ బైక్‌ వేగాన్ని తగ్గించడమే పెద్ద కష్టం, ఇది పూర్తిగా ఆగిపోయే లోపలే నేను రన్‌వే దాటి వెళ్లిపోయాన"ని అన్నారు.