బాక్సర్ విడుదలతో బజాజ్ విక్రయాలు 50 లక్షలకు జంప్..!

Published: Saturday, July 9, 2011, 16:40 [IST]

భారతదేశపు ద్వితీయ అగ్రగామి ద్విచక్ర వాహన తయారీ సంస్థ బజాజ్ ఈ ఏడాది అక్టోబర్ నాటికి ప్రతి నెలా 4.2 లక్షల ద్విచక్ర మరియు త్రిచక్ర వాహనాలను విక్రయించాలని లక్ష్యంగా పెట్టుకుంది. ఈ విధంగా ఏటా 50 లక్షల యూనిట్లను విక్రయించాలని సంస్థ భావిస్తోంది. ప్రస్తుతం సగటున కంపెనీ నెలవారీ విక్రయాలు 3.7 లక్షల యూనిట్లుగా ఉన్నాయి. వీటిలో అధికంగా 1.35 లక్షలు డిస్కవర్ బైక్‌లు ఉంటే దాదాపు 85,000 పల్సర్ బైక్‌లు ఉన్నాయి. బజాజ్ చైనా ప్లాంటు నుంచి ఆఫ్రికా దేశాలకు ఎగుమతి అవుతున్న బాక్సర్ 40,000 యూనిట్లు మరియు సిటి100, ప్లాటినా బైక్‌లు సగటున 65,000 యూనిట్లు అమ్ముడువుతున్నాయి. ఇక త్రిచక్ర వాహనాల విషయానికి వస్తే అవి ప్రతినెలా 45,000 యూనిట్లుగా ఉన్నాయి.

వచ్చే నెలలో విడుదల చేయనున్న బాక్సర్ 150 సీసీ (భారత్ బైక్) బైక్‌తో విక్రయాలు ఒక్కసారిగా ఊపందుకుంటాయని కంపెనీ మేనేజింగ్ డైరెక్టర్ రాజీవ్ బజాజ్ వెల్లడించారు. అలాగే, పల్సర్, డిస్కవర్ బ్రాండ్‌లు కూడా మునుముందు మరింత వృద్ధిని కనబరచగలవని కంపెనీ ఆశాభావం వ్యక్తం చేస్తోంది. 2009-10 ఆర్థిక సంవత్సరంలో 28 లక్షల యూనిట్లను, 2010-11 ఆర్థిక సంవత్సరంలో 38 లక్షల యూనిట్లను విక్రయించాని ప్రస్తుత ఆర్థిక సంవత్సరంలో 50 లక్షల యూనిట్లను లక్ష్యంగా పెట్టుకున్నామని ఆయన తెలిపారు. కంపెనీ ఇంత వృద్ధి సాధించడానికి డిస్కవర్ బ్రాండే కారణమని బజాజ్ ఆటో భావిస్తోంది. ప్రస్తుతం ఇది మూడు (100సీసీ, 125సీసీ, 150సీసీ) ఇంజన్ వేరియంట్లలో లభిస్తుంది.

Article Published On: Saturday, July 9, 2011, 13:19 [IST]

English summary

Bajaj Auto, India's second largest two-wheeler manufacturer is aiming to sell five million units per year. The company which currently sells 3.7 lakh two-wheelers per month has to sell at least 4.2 million units to reach its target. Bajaj Auto is hoping the soon to be launched 150cc Boxer will help boost its sales.

More from DriveSpark