మోటార్ ఇన్సూరెన్స్‌లకు నామినీ తప్పనిసరి: ఐఆర్‌డిఏ

ఈ మేరకు అన్ని బీమా సంస్థలకు ఐఆర్‌డిఏ ఓ లేఖను కూడా పంపింది. దీని ప్రకారం, ఇకపై అన్ని ప్రైవేటు వాహనాలకు బీమా చేయించేటప్పుడు బీమా పత్రంలో నామినీ పేరును నమోదు చేయడం తప్పనిసరి. ఒకవేళ ప్రమాదం కారణంగా పాలసీదారుడు మరణించినట్లయితే, సదరు పాలసీదారుని నామినీకు నేరుగా క్లెయిమ్‌ను చెల్లించే అవకాశం ఉంటుంది.

ప్రస్తుతం అమలులో ఉన్న విధానం ప్రకారం, బీమా కంపెనీలు చట్టప్రకారం పాలసీదారుని యొక్క వారుసులకు ఈ క్లెయిమ్‌ను చేయడం జరుగుతోంది. మొత్తం నాన్-లైఫ్ ఇన్సూరెన్స్ వ్యాపారంలో దాదాపు 45 శాతం మోటార్ ఇన్సూరెన్స్‌లే ఉన్నాయి. ఐఆర్‌డిఏ తీసుకున్న తాజా నిర్ణయాన్ని బీమా కంపెనీలు స్వాగతిస్తున్నాయి.

అయితే వీటి ప్రీమియం రేట్లు ఇప్పటికీ ఐఆర్‌డిఏ నియంత్రణలోనే ఉండటంతో బీమా కంపెనీలు నష్టాలను చవిచూస్తున్నాయి. ప్రస్తుతం ఆర్థిక సంవత్సరంలో ఈ నష్టం రూ.3,500 కోట్లను తాకవచ్చని అంచనా. కాబట్టి ఇకపై మీరు కొత్త వాహనానికి ఇన్సూరెన్స్ చేయించినా లేదా ఇన్సూరెన్స్‌లను రెన్యువల్ చేయించినా నామినీ పేరును నమోదు చేయడం మర్చిపోకండి..!!