హోండా ఆక్టివాకు పోటీ ఇవ్వడానికి సిద్ధమైన సుజుకి స్కైడ్రైవ్!!

గతేడాదిలో సుజుకి ఈ స్కూటర్‌ను విడుదల చేయనున్నట్లు గుసగుసలు వినిపించినా అవి నిజం కాలేకపోయాయి. అయితే ప్రస్తుత పరిస్థితులను గమనిస్తుంటే, దేశీయ ఆటోమొబైల్ రంగం జోరందుకోవడంతో ఇప్పుడు మాత్రం ఖచ్చితంగా కొత్త స్కూటర్‌ను విడుదల చేయాలని కంపెనీ భావిస్తోంది. కానీ ఇందుకు సంబంధించిన సమయాన్ని మాత్రం కంపెనీ వెల్లడించడం లేదు.

125 సీసీ ఇంజన్‌తో లభించే "సుజుకి స్కైడ్రైవ్" స్కూటర్ చూడటానికి స్టైలిష్‌గా ఉండి ఆక్టివా, యాక్సెస్‌ల కన్నా సన్నగా ఉంటుంది. పెద్ద చక్రాలు, స్పోర్టీ లుక్, అద్భుతమైన బాడీ గ్రాఫిక్స్, అందమైన హెడ్ ల్యాంప్ వంటి ఎన్నో ఆకర్షనీయమైన ఫీచర్లు దీని సొంతం. ఇక భారత మార్కెట్లో దీని ధర విషయానికి వస్తే.. ప్రస్తుతం యాక్సెస్ ధరల ప్రకారం చూస్తే. స్కైడ్రైవ్ రూ. 45,000 - రూ. 52,000 వరకూ ఉండే అవకాశం ఉంది.