భారత మార్కెట్లో తొలి కార్బన్ సైకిల్

Two Wheelers

oi-Nageshwara Rao M

By Nageshwara Rao M

Published: Friday, March 25, 2011, 7:15 [IST]

మురుగప్ప గ్రూప్‌లోని ప్రముఖ సైకిళ్ల తయారీ సంస్థ టిఐ సైకిల్స్ ఇండియా మనదేశంలో మొట్టమొదటి కార్బన్ సైకిల్‌ని గురువారం మార్కెట్లో ప్రవేశపెట్టింది. ప్రత్యేకించి నగర ప్రాంత వయోజనుల కోసం ఉద్దేశించిన ఈ సైకిళ్ళ ధరలు రూ.21000 నుంచి రూ.1.5 లక్షల మధ్య ఉన్నాయి. చెన్నైకి చెందిన టిఐ సైకిల్స్ కంపెనీ కొత్త కార్బన్ సైకిళ్లను అంబత్తూర్ ప్లాంటులో ఉత్పత్తి చేస్తోంది.

దేశీయ మార్కెట్‌లో సాలీనా 12వేల సైకిళ్లను విక్రయించాలన్న లక్ష్యాన్ని పెట్టుకున్నట్లు కంపెనీ అధ్యక్షుడు డాక్టర్ రఘురాం వెల్లడించారు. కార్బన్ సైకిల్‌ని ప్రవేశపెడుతున్నందుకు ఎంతో సంతోషంగా ఉన్నదని, ఈ సైకిల్ డిజైనింగ్, అభివృద్ధి కోసం తమ సంస్థ భారీగా పెట్టుబడి చేసిందని ఆయన గురువారం ఇక్కడ కొత్త సైకిల్ ఆవిష్కరించిన అనంతరం విలేఖరులతోచెప్పారు. అలాగే అలాయ్‌తో తయారుచేసిన సరికొత్త శ్రేణి సైకిళ్లను కూడా ఈసందర్భంగా కంపెనీ ప్రవేశపెట్టింది.