జూన్ నెలలో 14% పెరిగిన టీవీఎస్ మోటార్ కంపెనీ అమ్మకాలు

ద్విచక్ర వాహన విభాగం:
జూన్ 2011 నెలలో ద్విచక్ర వాహన విక్రయాలు గతేడాది ఇదే సమయంతో పోలిస్తే 14 శాతం వృద్ధి చెంది 156,685 యూనిట్ల నుంచి 178,633 యూనిట్లకు పెరిగాయి. ఇకపోతే స్కూటర్ల అమ్మకాలు 21 శాతం వృద్ధితో 36,742 యూనిట్ల నుంచి 44,281 యూనిట్లకు పెరిగాయి. మోటార్‌సైకిళ్ల అమ్మకాలు 66,452 యూనిట్ల నుంచి 69,859 యూనిట్లకు పెరిగాయి. దేశీయ మార్కెట్లో మొత్తం ద్విచక్ర వాహన అమ్మకాలు 11 శాతం పెరిగి 139,905 యూనిట్ల నుంచి 155,296 యూనిట్లకు పెరిగాయి.

ఎగుమతులు:
గత నెలలో కంపెనీ ఎగుమతులు 48 శాతం వృద్ధి చెందాయి. జూన్ 2011లో కంపెనీ మొత్తం 26,359 యూనిట్లకు పెరిగాయి. గతేడాది ఇదే సమయంలో ఇవి 17,782 యూనిట్లుగా ఉన్నాయి. అలాగే, గత జూన్ నెలలో ద్విచక్ర వాహన ఎగుమతులు 39 శాతం వృద్ధి చెంది 16,780 యూనిట్ల నుంచి 23,337 యూనిట్లకు పెరిగాయి.

త్రిచక్ర వాహనాలు:
జూన్ 2011లో కంపెనీ 3,822 త్రిచక్ర వాహనాలను విక్రయించింది. గతేడాది ఇదే కాలంతో పోలిస్తే ఇవి 27 శాతం వృద్ధిని సాధించాయి. జూన్ 2010లో త్రిచక్ర వాహన అమ్మకాలు 3,003 యూనిట్లుగా ఉన్నట్లు కంపెనీ తెలిపింది.