మోటార్‌సైకిళ్లలో ఆటోమేటిక్ గేర్లు: టీవీఎస్ మోటార్

Published: Wednesday, December 28, 2011, 19:03 [IST]

వృద్ధి చెందుతున్న ద్విచక్ర వాహన మార్కెట్లో మరింత పటుత్వానికి సాధించుకునేందుకు గానూ చెన్నైకు చెందిన ప్రముఖ ద్విచక్ర వాహన కంపెనీ టీవీఎస్ మోటార్ కంపెనీ ఓ సరికొత్త ప్రణాళికతో ముందుకు రానుంది. 20 శాతం అధిక మైలేజీనిచ్చే విధంగా స్కూటర్లు, మోటార్‌సైకిళ్ల ఆటోమేటిక్ ట్రాన్సిమిషన్ (గేర్లు) సిస్టమ్‌ను పరిచయం చేయనున్నట్లు కంపెనీ ఓ ప్రకటనలో పేర్కొంది.

ఈ మేరకు 110సీసీ స్కూటర్, మోటార్‌సైకిల్ కోసం కంపెనీ అభివృద్ధి చేసిన లేటెస్ట్ ఆటోమేటిక్ ట్రాన్సిమిషన్ ఇంజన్‌ను టీవీఎస్ మోటార్ కంపెనీ ప్రదర్శించింది. ఈ ఇంజన్లను 2013 ప్రధమార్థం నాటికి స్కూటర్లు, మోటార్‌సైకిళ్లలో అందుబాటులోకి తీసుకురానున్నట్లు కంపెనీ అధ్యక్షుడు (న్యూ ప్రోడక్ట్ డెవలప్‌మెంట్) వినయ్ హార్నె తెలిపారు. గడచిన ఆరేడేళ్ల నుండి టీవీఎస్ ఇంజనీర్లు ఈ కొత్త ఫ్లాట్‌ఫామ్‌ను అభివృద్ధి చేయడంపై పనిచేస్తున్నారని ఆయన చెప్పారు.

ప్రస్తుతం ఉన్న మోడళ్లలో మ్యాన్యువల్, ఆటోమేటిక్ ట్రాన్సిమిషన్ సిస్టమ్‌లను ఆఫర్ చేస్తామని, వినియోగదారుని అభిరుచి మేరకు తాను ఈ ఉత్పత్తులను ఎంచుకోవచ్చునని, అలాగే ఈ టెక్నాలజీని 110సీసీ నుండి 250సీసీ ఇంజన్ వరకూ ఆఫర్ చేయవచ్చునని వినయ్ తెలిపారు. ప్రస్తుతానికి ఇది 110సీసీ ఇంజన్ మాత్రమేనని, ఒకవేళ 250సీసీ ఇంజన్ అభివృద్ధి చేయాల్సి వస్తే, అది సాధ్యమవుతుందని ఆయన పేర్కొన్నారు.

Article Published On: Wednesday, December 28, 2011, 19:03 [IST]

English summary

The Chennai-based two-wheeler manufacturer TVS Motor Company said it would introduce automatic transmission scooters and motorcycles from 2013,with 20 per cent better fuel efficiency.

More from DriveSpark