త్వరలో టీవీఎస్ నుంచి అప్‌గ్రేడెడ్ అపాచీ & స్కూటీ పెప్ ప్లస్..!!

Published: Sunday, January 23, 2011, 12:34 [IST]

ప్రముఖ ద్విచక్ర వాహన ఉత్పత్తి సంస్థ టీవీఎస్ మోటార్ కంపెనీ 2010 మూడో త్రైమాసికంలో ప్రోత్సాహకర విక్రయాలను నమోదు చేసుకుంది. దీంతో కంపెనీ గతంలో ప్రవేశపెట్టిన స్కూటీ పెప్ ప్లస్, అపాచీ మోడళ్లకు మరిన్ని హంగులు దిద్ది మార్కెట్లోకి విడుదల చేయాలని భావిస్తుంది. ఈ రెండు మోడళ్లు అత్యంత వేగంగా విక్రయం అవుతుండటంతో వీటిలో కొత్త వెర్షన్లను విడుదల చేయాలని కంపెనీ నిర్ణయించింది. 150 సీసీ విభాగంలో అత్యంత ప్రాచుర్యం పొందిన అపాచీ విడుదైలనప్పటి నుండి ఇప్పటివరకూ చాలా రకాలు అవార్డులను సొంతం చేసుకుందని టీవీఎస్ మోటార్ కంపెనీ వైస్ ప్రెసిడెంట్ (మార్కెటింగ్) తెలిపారు.

ఈ మోడళ్లకు దేశీయ మార్కెట్ల నుంచి అపూర్వ స్పందన వచ్చిందని, ఈ బ్రాండ్‌లలో తాజాగా అప్‌గ్రేడ్ చేయబడిన మోడళ్లు త్వరలోనే అందుబాటులోకి వస్తాయని, అపాచీ మరోసారి తన పేరును నిలబెట్టుకుంటుందని ఆయన అన్నారు. కాగా.. ఈ ఆర్థిక సంవత్సరం మూడో త్రైమాసికంలో కంపెనీ రెండింతల వృద్ధిని సాధించి రూ. 55.75 కోట్ల లాభాలను ఆర్జించింది. అంతకుముందు సంవత్సరం ఇదే సమయంలో కంపెనీ లాభాలు 23.54 కోట్లుగా ఉన్నాయి. ఇదే సమయంలో సంస్థ ఆదాయం 51.23 శాతం వృద్ధిని సాధించి రూ. 1,089 నుంచి రూ. 1,647 కోట్లకు పెరిగింది.

Article Published On: Sunday, January 23, 2011, 12:34 [IST]

More from DriveSpark