ఈ ఏడాది 5,00,000 బైక్‌లను విక్రయిస్తాం: యమహా ఇండియా

Published: Tuesday, June 26, 2012, 16:02 [IST]

జపాన్ ద్విచక్ర వాహన దిగ్గజం 'యమహా ఇండియా' ప్రస్తుత సంవత్సరంలో విక్రయాలను రెండింతలకు పెంచుకోవాలని భావిస్తోంది. ఈ ఏడాది మొత్తం ఐదు లక్షల బైక్‌లను విక్రయించాలనే లక్ష్యంతో ఉన్నట్లు కంపెనీ ఉన్నతాధికారి ఒకరు తెలిపారు. ప్రస్తుత సంవత్సరంలో తాము ఐదు లక్షల బైక్‌లను విక్రయించాలనే లక్ష్యంతో ఉన్నామని, ఇందులో దేశీయ మార్కెట్లో 3.5 లక్షల బైక్‌లను, అలాగే అంతర్జాతీయ మార్కెట్లలో 1.5 లక్షల బైక్‌లను విక్రయించాలని నిర్ణయించామని ఇండియా యమహా మోటార్ ప్రై. లి. మేనేజింగ్ డైరెక్టర్ హిరోయుకి సుజుకి తెలిపారు. గతేడాది మొత్తం 2.5 లక్షల బైక్‌లను విక్రయించినట్లు ఆయన పేర్కొన్నారు.

ప్రిమీయం, డీలక్స్, బేసిక్, ఎగ్జిక్యూటివ్ మరియు స్టాండర్డ్ వంటి ఐదు బైక్‌ విభాగాల్లోని ఉత్పత్తులను తమ కంపెనీ అందిస్తోందని, ప్రస్తుతం 14 శాతం మార్కెట్ వాటా ఉన్న డీలక్స్ బైక్ సెగ్మెంట్‌పైనే ఎక్కువగా దృష్టి కేంద్రీకరించామని ఆయన తెలిపారు. భారత మార్కెట్లో 13 మోడళ్లను అందిస్తున్న యమహా అన్ని విభాగాలను కలిపి రెండు శాతం మార్కెట్ వాటాను కలిగి ఉంది. యమహాకు భారత్‌లో యూపి, హర్యానాలలో రెండు ఉత్పత్తి కేంద్రాలున్నాయి. ఉత్పత్తి సామర్థ్యాన్ని పెంచుకునేందుకు కంపెనీ 10 మిలియన్ డాలర్ల నిధులను పెట్టుబడిగా వెచ్చించనుంది. అంతేకాకుండా తమ విక్రయాలను కూడా రెండింతలకు పెంచుకునేందుకు వచ్చే ఏడాది దేశీయ మార్కెట్లో తమ స్కూటర్లను ప్రవేశపెట్టడానికి కంపెనీ సన్నాహాలు చేస్తుంది.

Article Published On: Monday, May 30, 2011, 14:39 [IST]

English summary

Japanese two-wheeler maker Yamaha India said, it is aiming to double company's bike sales from present 2,50,000 units to 5,00,000 units in this year. "We are aiming to sell 5 lakh bikes this year. We are targeting to sell 3.5 lakh bikes in the country and 1.5 lakh will be exported," the company's chief executive officer and managing director Hiroyuki Suzuki said.

More from DriveSpark