9-స్పీడ్ ఆటోమేటిక్ ట్రాన్సిమిషన్‌ సిస్టమ్‌ను విడుదల చేసిన జెడ్ఎఫ్

Published: Tuesday, June 14, 2011, 13:32 [IST]

జెర్మనీకు చెందిన ప్రముఖ ట్రాన్సిమిషన్ సిస్టమ్‌ల తయారీ సంస్థ 'జెడ్ఎఫ్ ఫ్రీడ్‌రిచ్‌షాఫెన్' తొమ్మిది గేర్లు కలిగిన ఓ గేర్ వ్యవస్థను విడుదల చేసింది. ఇప్పటి వరకూ జెడ్ఎఫ్ 6-స్పీడ్, 8-స్పీడ్ ట్రాన్సిమిషన్‌లో ఎన్నో బ్రాండ్‌లకు సరఫరా చేసింది. కాగా.. 9-స్పీడ్ ఆటో ట్రాన్సిమిషన్‌ సిస్టమ్‌తో రూపొందించిన ఓ కొత్త గేర్ వ్యవస్థను కంపెనీ పరిచయం చేసింది. హ్యుందాయ్, బెంట్లీ వంటి కంపెనీలకు జెడ్ఎఫ్ ట్రాన్సిమిషన్‌ల సరఫరా చేస్తుంది.

ఈ కొత్త ట్రాన్సిమిషన్ సిస్టమ్ వల్ల వాహన ఇంధన సామర్ధ్యం (మైలేజ్) పెరగడమే కాకుండా, కర్భన ఉద్ఘారాలను కూడా తగ్గించవచ్చునని కంపెనీ తెలిపింది. దీని వల్ల గరిష్టంగా 16 శాతం వరకూ వాహన మైలేజ్ పెరుగుతుందని, అంతేకాకుండా ఇది స్టాట్-స్టాప్, హైబ్రిడ్ మరియు ఆల్-వీల్ డ్రైవ్ వంటి సాంకేతిక వ్యవస్థలతో కూడా చక్కగా పనిచేస్తుందని కంపెనీ పేర్కొంది. ఇలా కార్ల కోసం రూపొందించిన ఓ 9-స్పీడ్ ట్రాన్సిమిషన్ సిస్టమ్ ఇదే మొదటిదని కంపెనీ తెలిపింది.

Article Published On: Tuesday, June 14, 2011, 13:32 [IST]

English summary

Famous German transmission system manufacturer ZF Friedrichshafen, has introduced a new age 9-speed auto transmission system in Germany. ZF also manufacturers 6-speed and 8-speed transmissions for leading brands like Hyundai and Bentley.

More from DriveSpark