బడ్జెట్ ముందు ధరలకే కొత్త వాహనాలను కొనుక్కోవచ్చు

Published: Tuesday, March 20, 2012, 17:00 [IST]

కొత్త కారు లేదా బైక్ కొంటున్నారా..? అయితే, ఒక్క క్షణం ఆగండి. డీలర్ చెప్పే కల్లబొల్లి మాటలు విని మోసపోకండి. ప్రస్తుతం మార్కెట్లో ఎక్సైజ్ సుంఖాలు పెరిగాయంటూ పాత మోడల్ వాహనాలను ఎక్కువ ధరలకు విక్రయిస్తున్నారు. ఇటీవల కేంద్ర ప్రభుత్వం ప్రవేశపెట్టిన యూనియన్ బడ్జెట్ 2012-13లో వివిధ పన్నులను పెంచిన సంగతి తెలిసిందే. ఈ నేపథ్యంలో కార్ల తయారీ కంపెనీలు కూడా తమ తమ ఉత్పత్తుల ధరలను పెంచుతున్నాయి.

అయితే, మీరు తెలుసుకోవాల్సిన వాస్తవం ఏంటంటే.. ప్రస్తుతం మీరు కొనుగోలు చేసే కారు లేదా బైక్‌ను బడ్జెట్‌కు ముందు ఎంత ధరైతే ఉందో అదే ధరకు పొందవచ్చు. అదెలా అనుకుంటున్నారా..? అయితే ఈ కథనం చదవండి.

మీరు మీ వాహనాన్ని బడ్జెట్‌కు ముందు బుక్ చేసుకున్నా లేదా డీలర్ పాత స్టాక్‌ను విక్రయిస్తున్నా అలాంటి వాహనాలను బడ్జెట్‌కు ముందు ఏ ధరైతే ఉందో అదే ధరను చెల్లించి కొనుగోలు చేయవచ్చు. కార్ మేకర్లు తెలిపిన దాని ప్రకారం, మార్చి 16వ తేదీ నుండి డీలర్‌షిప్‌లకు డిశ్పాచ్ అయిన వాహనాలకు మాత్రమే కొత్త రేట్లు వరిస్తాయి. కాబట్టి, పాత స్టాక్‌ను విక్రయించే డీలర్లు పాత ధరలకే వాహనాలను విక్రయించాల్సి ఉంటుంది.

డీలర్ల వద్ద పాత్ స్టాక్ పూర్తిగా క్లియర్ అయ్యే వరకూ కొత్త వాహనాలను కొనాలనుకునే వారు బడ్జెట్‌కు ముందు ధరకే పొందవచ్చు. కాదు కూడదని డీలర్ వాదించి కొత్త ధరకే పాత స్టాక్‌ను కొనుగోలుదారులకు అంటగట్టాలని చూస్తే, కొనుగోలుదారులు గట్టిగా డిమాండ్ చేయడానికి అవకాశం ఉంటుంది. కాబట్టి, కొత్త వాహనాలను కొనుగోలు చేసేటప్పుడు అది పాత స్టాక్ అని తెలిసినట్లయితే, ఎట్టి పరిస్థితుల్లోనూ కొత్త ధరను చెల్లించకండి.

Article Published On: Tuesday, March 20, 2012, 11:23 [IST]

English summary

People can still buy cars at pre-budget prices if they are buying old stock models that have been dispatched before the budget was presented. People need to ask dealers for a lower price before purchasing.

More from DriveSpark