Click it and Unblock the Notifications
మోన్స్టర్ డీజిల్ స్పోర్ట్స్ బైక్ను ఆవిష్కరించిన డ్యుకాటి
ఇటలీకు చెందిన ప్రముఖ ప్రీమియం మోటార్సైకిళ్ల తయారీ కంపెనీ డ్యుకాటి అందిస్తున్న మోన్స్టర్ స్పోర్ట్స్ బైక్లో మరో సరికొత్త వేరియంట్ను కంపెనీ విడుదల చేసింది. "డ్యుకాటి మోన్స్టర్ డీజిల్" అనే పేరుతో ఓ సెలబ్రేషన్ ఎడిషన్ను డ్యుకాటి పరిచయం చేసింది. దీని పేరులో ఉన్నట్లు ఇది డీజిల్తో నడిచే డ్యుకాటి మోన్స్టర్ అనుకుంటే పొరపాటే. ఇది కూడా పెట్రోల్తోనే పనిచేస్తుంది.
మోటో జిపి ఛాంపియన్షిప్లో అప్పీరల్ బ్రాండ్ డీజిల్తో తమకున్న అసోషియేషన్లో భాగంగా డ్యుకాటి ఈ సెలబ్రేషన్ ఎడిషన్ వేరియంట్ను రూపొందించింది. అందుకే ఈ వేరియంట్కు మోన్స్టర్ డీజిల్ అనే పేరును ఖారురు చేసింది. రానున్న జులై నాటికి ఇది మార్కెట్లో లభ్యం కానుంది.
డ్యుకాటి మోన్స్టర్ డీజిల్లో 1078సీసీ ఎల్-ట్విన్ సిలిండర్, 2-వాల్వ్, ఎయిర్ కూల్డ్ ఇంజన్తో లభిస్తుంది. ఇది గరిష్టంగా 100 హెచ్పిల శక్తిని విడుదల చేస్తుంది. 6-స్పీడ్ ట్రాన్సిమిషన్ సిస్టమ్, యూరో 3 వెర్షన్తో ఇది రెండేళ్ల అపరిమిత మైలేజ్ వారంటీతో లభిస్తుంది. ఇందులో యాంటీ-లాక్ బ్రేకింగ్ సిస్టమ్ (ఏబిఎస్) ఓ స్టాండర్డ్ ఫీచర్గా లభిస్తుంది. ఈ స్పెషల్ ఎడిషన్ మోన్స్టర్ డీజిల్ కేవలం ఒకే రంగు (డీజిల్ బ్రేవ్ గ్రీన్ మ్యాట్)లో మాత్రేమ లభ్యం కానుంది.
Continue with Google