Click it and Unblock the Notifications
ఆఫ్రికా మార్కెట్లపై కన్నేసిన హీరో మోటోకార్ప్
ద్విచక్ర వాహన మార్కెట్లకు గల సామర్థ్యాన్ని అంచనా వేసేందుకు ఆఫ్రికా ఖండానికి తమ బృందాన్ని పంపించామని ముంజాల్ తెలిపారు. అక్కడి ద్విచక్ర వాహన విభాగంలో ప్రవేశించి వ్యాపారం చేయటానికి తమకు విశిష్టమైన అవకాశాలు ఉన్నాయని, ఈ సెగ్మెంట్లో ఇప్పటికే అనేక ఆఫ్రికా దేశాలు మంచి వృద్ధిని కనబరచాయని, తమ బృందాలు ఆఫ్రికాలోని దాదాపు అన్ని దేశాలను సందర్శించి అధ్యయనం చేయనున్నారని ఆయన చెప్పారు.
ఈ మార్కెట్లలో ఇప్పటికే అనేక విదేశీ కంపెనీలు కార్యకలాపాలు కొనసాగిస్తున్నప్పటికీ, తమ కంపెనీ నిర్వాహక సామర్థ్యం, ఉత్పత్తి సామర్థ్యాలు తమకు అనుకూలంగా పనిచేస్తాయని ముంజాల్ తెలిపారు. ఇప్పటికే తమ భారతీయ స్నేహితులు (పోటీదారులు) అక్కడి మార్కెట్లకు వెళ్లారని, చైనీస్, థాయ్, జపనీస్ కంపెనీలు ఆఫ్రికా మార్కెట్లలో కార్యకలపాలు కొనసాగిస్తున్నాయని ఆయన చెప్పారు. తమ పనితీరు, ఉత్పత్తి పరిమాణాలతో ఈ మార్కెట్లో నిలదొక్కుకోగలమని ముంజాల్ ధీమా వ్యక్తం చేశారు.
Continue with Google