సుజుకి బ్రాండ్ అంబాసిడర్‌గా దబాంగ్ హీరో సల్మాన్ ఖాన్

Published: Thursday, April 19, 2012, 15:57 [IST]

బాలీవుడ్ సూపర్‌స్టార్, కండల వీరుడు సల్మాన్ ఖాన్ త్వరలో మార్కెట్లోకి రానున్న సుజుకి బడ్జెట్ బైక్ హయాటేతో దబాంగ్ చేయనున్నాడు. సల్మాన్ ఖాన్‌ను తమ ఉత్పత్తులకు బ్రాండ్ అంబాసిడర్‌గా నియమించుకుంటున్నామని జపాన్‌కు చెందిన ద్విచక్ర వాహన కంపెనీ సుజుకి మోటార్‌సైకిల్స్ పేర్కొంది. ఈ డీల్‌లో భాగంగా హయాటే మోటార్‌సైకిల్‌తో సల్మాన్ ఖాన్‌పై డిజైన్ చేసిన తొలి క్యాంపైన్ త్వరలోనే ప్రారంభంనుంది.

మాస్ మార్కెట్లను దృష్టిలో ఉంచుకొని చవక ధరకే ఓ మంచి స్టయిలిష్ మోటార్‌సైకిల్‌ను అందించాలనే ఉద్దేశ్యంతో హయాటే 110సీసీ బైక్‌ను సుజుకి మోటార్‌సైకిల్స్ అభివృద్ధి చేసింది. గడచిన జనవరి నెలలో జరిగిన 2012 ఢిల్లీ ఆటో ఎక్స్‌పోలో సుజుకి తమ బడ్జెట్ బైక్‌ను ఆవిష్కరించింది.

Gallery | More Photos

సుజుకి హయాటే‌లో 112.8సీసీ, సింగిల్ సిలిండర్ ఇంజన్‌ను ఉపయోగించారు. ఈ బైక్‌కు సంబంధించిన మరిన్న వివరాలు మా తెలుగు డ్రైవ్ స్పార్క్ పాఠకుల కోసం..:

సుజుకి హయాటే 110సీసీ ఫీచర్లు:
* ఇంజన్: 112.8సీసీ, ఎయిర్-కూల్డ్, 4-స్ట్రోక్, సింగిల్ సిలిండర్, ఎస్ఓహెచ్‌సి
* కిక్ స్టార్ట్/ఎలక్ట్రిక్ స్టార్ట్
* ఎయిర్ క్లియరెన్స్ నాన్-ఒవెన్ ఫ్యాబ్రిక్ ఎలిమెంట్
* లూబ్రికేషన్ సిస్టమ్ వెట్ సంప్
* క్లచ్: వెట్ మల్టీ-ప్లేట్ టైప్
* 5-స్పీడ్ మ్యాన్యువల్ ట్రాన్సిమిషన్
* ఫ్రంట్ సస్పెన్షన్: టెలిస్కోపిక్, కాయిల్ స్ప్రింగ్, ఆయిల్ డ్యాంప్డ్
* రియర్ సస్పెన్షన్: స్వింగ్-ఆర్మ్, కాయిల్ స్ప్రింగ్, ఆయిల్ డ్యాంప్డ్
* ఫ్రంట్ టైర్: 2.75 ఇంచ్‌లు
* రియర్ టైర్: 3 ఇంచ్‌లు
* ఫ్రంట్ బ్రేక్: డ్రమ్
* రియర్ బ్రేక్: డ్రమ్
* సిడిఐ ఇగ్నిషన్ టైప్
* ఫ్యూయెల్ ట్యాంక్ సామర్థ్యం: 12.0 లీటర్లు
* బరువు: 115 కేజీలు
* మైలేజ్: ప్రతి లీటరు పెట్రోల్‌కు సమారు 60 కి.మీ.