Click it and Unblock the Notifications
త్వరలోనే నా కలం నిజం కాబోతుంది: 'దమ్ము' విలన్ కిషోర్
కిషోర్కు రాయల్ ఎన్ఫీల్డ్ మోటార్సైకిళ్లంటే మహా ఇష్టం. ప్రస్తుతం కిషోర్ దగ్గర ఓ 350సీసీ పాత రాయల్ ఎన్ఫీల్డ్ మోటార్సైకిల్ (1994 మోడల్) ఉంది. కిషోర్ ఈ మోటార్సైకిల్ను మోడిఫై చేయించుకుని ఉపయోగిస్తున్నాడు. తన భార్యకు కూడా ఈ మోటార్సైకిల్ అంటే చాలా ఇష్టమని కిషోర్ చెప్పుకొచ్చాడు. ఇద్దరూ కలిసి ఈ బైక్పై జామ్ జామ్ అంటూ లాంగ్ జర్నీలు కూడా చేస్తారట.
ఇది లీటరు పెట్రోల్కు కేవలం 30 కి.మీ. మైలేజీనే ఇస్తున్నప్పటికీ, సాధారణ ప్యాసింజర్ కార్లతో పోల్చుకుంటే ఇదే ఎంతో బెస్ట్ అని చెప్పుకొస్తున్నాడు కిషోర్. కాగా.. కిషోర్ ఓ 500సీసీ రాయల్ ఎన్ఫీల్డ్ బైక్ను కొనాలని ఎప్పటినుండో కల కంటున్నాడట. ఆ కల త్వరలోనే నిజం కాబోతుందని కిషోర్ తెగ సంబర పడిపోతున్నాడు. గత కొద్ది నెలల క్రితమే కిషోర్ ఓ 500సీసీ రాయల్ ఎన్ఫీల్డ్ క్లాసిక్ బుల్లెట్ మోటార్సైకిల్ను బుక్ చేశాడు. మరికొద్ది రోజుల్లోనే ఈ మోటార్సైకిల్ కిషోర్ చేతికి రానుంది.
సాధారణంగా ఎవరైనా రాయల్ ఎన్ఫీల్డ్ బైక్ను సొంతం చేసుకోవాలంటే బుక్ చేసుకున్న తర్వాత ఆరు నుండి ఎనిమిది నెలల వరకూ వేచి ఉండాల్సి ఉంటుంది. ఈ బ్రాండ్కు అధిక డిమాండ్, తక్కువ ఉత్పత్తి సామర్థ్యం కారణంగా రాయల్ ఎన్ఫీల్డ్ మోటార్సైకిళ్ల వెయింటింగ్ పీరియడ్ ఎక్కువగా ఉంటుంది. ఈ వెయిటింగ్ పీరియడ్ తగ్గించేందుకు గానూ ఐషర్ మోటార్స్ (రాయల్ ఎన్ఫీల్డ్ మోటార్సైకిల్ మాతృ సంస్థ) చెన్నైలో ప్లాంటు మరో యూనిట్ను ఏర్పాటు చేస్తుంది. అయితే, ఇది నిర్వహణలోకి రావడానికి మరో రెండేళ్ల సమయం పట్టవచ్చని అంచనా.
Continue with Google