గుడ్ న్యూస్..: జనవరి 30న కొత్త బజాజ్ పల్సర్ విడుదల

ప్రస్తుతం మార్కెట్లో లభిస్తున్న బజాజ్ పల్సర్‌కు, తాము కొత్తగా విడుదల చేయనున్న పల్సర్‌కు దాదాపు ఎలాంటి పోలికలు ఉండవని, దీనిని సరికొత్త ఫ్లాట్‌ఫామ్‌పై రూపొందించామని, ఇందులో ప్రస్తుతం ఉపయోగిస్తున్న డిటిఎస్-ఐ టెక్నాలజీ కన్నా మెరుగైన సాంకేతిక పరిజ్ఞానాన్ని ఉపయోగించామని కంపెనీ పేర్కొంది.

ఇది కేవలం బజాజ్‌కు మాత్రమే తర్వాతి స్థాయి (నెక్స్ట్ లెవల్) కాదు, భారత్‌లోని మోటార్‌సైకిల్ సెగ్మెంట్లోనే ఇది తర్వాతి స్థాయిగా నిలువనుంది. తొలుత ఈ సాంకేతిక పరిజ్ఞానాన్ని కొత్త పల్సర్‌లో ఉపయోగించనున్నామని, ఆ తర్వాతి కాలంలో డిస్కవర్‌ బ్రాండ్‌లో కూడా ఈ టెక్నాలజీని ఉపయోగిస్తామని రాజీవ్ బజాజ్ గతంలో వెల్లడించిన సంగతి తెలిసిందే.

ఇవి రెండూ కూడా బజాజ్ నుండి అత్యధికంగా అమ్ముడవుతున్న బ్రాండ్‌లు. రాజీవ్ బజాజ్ వ్యాఖ్యల ప్రకారం, కొత్త పల్సర్‌లో ఉపయోగించనున్న ఈ అధునాతన సాంకేతిక పరిజ్ఞానం ప్రపంచంలోనే మరెక్కడా లేదుట. మరి కొత్త పల్సర్ బైక్ లవర్స్‌ను ఆకట్టుకుంటుందులో లేక ఆర్ఈ60 ఫోర్-వీలర్ మాదిరిగా నిరుత్సాహపరుస్తుందో.. వేచి చూడాల్సిందే..! మీరేమంటారు..?