జనవరిలో 7 శాతం పెరిగిన బజాజ్ ఆటో బైక్ సేల్స్

గడచిన సంవత్సరంలో ఇదే నెలలో కంపెనీ మొత్తం ద్విచక్ర వాహన అమ్మకాలు 2,75,622 యూనిట్లుగా ఉన్నట్లు బజాజ్ ఆటో లిమిటె ఓ ప్రకటనలో పేర్కొంది. ఈ సమయంలో కంపెనీ ఎగుమతులు 13.01 శాతం వృద్ధి చెంది 1,16,996 యూనిట్లుగా నమోదయ్యాయి. జనవరి 2011లో ఇవి 1,03,526 యూనిట్లుగా ఉన్నాయని కంపెనీ తెలిపింది.

ఇకపోతే త్రిచక్ర వాహన విభాగంలో అమ్మకాలు 14.42 శాతం వృద్ధి చెంది 43,436 యూనిట్లుగా నమోదయ్యాయని, క్రితం సంవత్సరం ఇదే నెలలో ఈ అమ్మకాలు 37,961 యూనిట్లుగా ఉన్నాయని కంపెనీ వెల్లడించింది. మొత్తమ్మీద కంపెనీ మొత్తం అమ్మకాలు 3,13,583 యూనిట్ల నుండి 3,37,875 యూనిట్లకు పెరిగి 7.75 శాతం వృద్ధి నమోదు చేసుకున్నాయి.