బజాజ్ నుంచి అత్యంత ఖరీదైన, అధునాతనమైన 100సీసీ బైక్

Updated: Monday, January 7, 2013, 17:49 [IST]

అధిక మైలేజీనిచ్చే బడ్జెట్ బైక్‌లను తయారు చేసే ప్రముఖ ద్విచక్ర వాహన తయారీ కంపెనీ బజాజ్ ఆటో ఇప్పుడు తొలిసారిగా 100సీసీ సెగ్మెంట్లో కెల్లా అత్యంత ఖరీదైన మోటార్‌సైకిల్‌ను మార్కెట్లోకి తీసుకురానుంది. వచ్చే ఏడాది ఆరంభంలో, సాంకేతిక పరంగా అధునాతనమైన అత్యంత ఖరీదైన 100సీసీ బైక్‌ను దేశీయ విపణిలో విడుదల చేస్తామని కంపెనీ ఉన్నతాధికారి ఒకరు వెల్లడించారు. ఇది 100సీసీ సెగ్మెంట్లోనే అత్యంత ఖరీదైనదే కాకుండా, టెక్నాలజీ పరంగా కూడా అధునాతనమైనదని బజాజ్ ఆటో ప్రెసిడెంట్ (మోటార్‌సైకిల్ బిజినెస్) కె శ్రీనివాస్ తెలిపారు.

అయితే, దీని ధర మరియు ఇతర సాంకేతి విరాలను మాత్రం ఆయన వెల్లడించలేదు. ప్రస్తుతం బజాజ్ ఆటో 100సీసీ సెగ్మెంట్లో ప్లాటినా, డిస్కవర్ బ్రాండ్‌లను విక్రయిస్తోంది. మార్కెట్లో వీటి ధరలు రూ.38.990 నుంచి రూ.44,497 (ఎక్స్-షోరూమ్) మధ్యలో ఉన్నాయి. గడచిన సెప్టెంబర్ నెలలో హీరో మోటోకార్ప్ నుంచి అత్యధికంగా అమ్మడువుతున్న 100సీసీ బైక్ స్ప్రెండర్‌ను తమ డిస్కవర్ అధిగమించిందని ఆయన గుర్తు చేశారు.

బజాజ్ ఆటో ఇటీవలే మార్కెట్లోకి విడుదల చేసిన సరికొత్త పల్సర్ 200ఎన్ఎస్ (నేక్డ్ స్పోర్ట్స్) స్పోర్ట్స్ బైక్, డిస్కవర్ 125ఎస్‌టి (స్పోర్ట్స్ టూరర్) బైక్‌లకు మార్కెట్లో మంచి ఆదరణ లభిస్తోంది. రిఫ్రెష్డ్ స్టయిలిష్ డిజైన్, స్పోర్టీ పెర్ఫామెన్స్‌లతో ఈ మోడళ్లు మార్కెట్లో విడుదల కానున్నాయి. ఈ నేపథ్యంలో బలహీనపడుతున్న 100సీసీ బైక్ సెగ్మెంట్‌ను కూడా పటిష్టం చేసుకునేందుకు బజాజ్ ఆటో సరికొత్త ఉత్పత్తితో ముందుకు రానుంది. జనవరి 2013లో ఇది మార్కెట్లో విడుదల కావచ్చని సమాచారం.

Article Published On: Monday, November 5, 2012, 15:33 [IST]

English summary

India's second largest two wheeler manufacturer Bajaj Auto Ltd will roll out its most expensive and technologically advanced 100cc bike in January. "Besides being the most expensive motorcycle in the 100CC segment, it will also be technologically most advanced bike," Bajaj Auto President (Motorcycle Business) K Srinivas told reporters here.

More from DriveSpark