బ్యాట్‌ప్యాడ్‌పై అందాల భామ క్యాట్ఉమెన్ సూపర్ రైడ్

ఈ బైక్ చూడగానే మీకు అర్థమైపోయింటుంది. ఇది బ్యాట్‌మ్యాన్ సినిమాల్లో ఉపయోగించే బ్యాట్‌ప్యాడ్ సూపర్‌బైక్ అని. అవును ఇది బ్యాట్‌మ్యాన్ సినిమాల్లో కనిపించే బైకే. అయితే, మరి దీనిని బ్యాట్‌మ్యాన్ కాకుండా ఎవరో అమ్మాయి నడుపుతుందేంటునుకుంటున్నారా..? ఈ క్యారెక్టర్ పేరు క్యాట్ఉమెన్. బ్యాట్‌మ్యాన్ సిరీస్‌లో కొత్తగా రానున్న చిత్రం 'ది డార్క్ నైట్ రైజెస్'లో ప్రముఖ హాలీవుడ్ నటి 'అన్నే హాత్‌వే' ఈ పాత్రను పోషించనుంది.

ది డార్క్ నైట్ రైజెస్ చిత్రంలో క్యాడ్ఉమెన్ పాత్ర నేరాలు, దొంగతనాలను చేస్తుంది. ఈ చిత్రంలో బ్యాట్‌మ్యాన్‌కు చెందిన ఈ బ్యాట్‌ప్యాడ్‌ను క్యాట్ఉమెన్ రైడ్ చేస్తుంది. అలాగే, బ్యాట్‌మ్యాన్ ఉపయోగించే బ్యాట్‌‌మొబైల్ కారు కూడా ఉంటుంది. ఈ కారును బ్యాట్‌మ్యాన్ ఉపయోగిస్తాడు. ఇప్పటి వరకూ వచ్చిన బ్యాట్‌మ్యాన్ సిరీస్ సినిమాల్లో బ్యాట్‌మొబైల్ కారు కేవలం రోడ్లపై మాత్రమే ప్రయాణించేది. అయితే ఈ కొత్త చిత్రంలో మాత్రం బ్యాట్‌మొబైల్ గాలిలో కూడా విహరించనుంది.

అయితే, వాస్తవానికి బ్యాట్‌ప్యాడ్, బ్యాట్‌మొబైల్ రెండు వేర్వేరు వాహనాలు. సినిమాలో గ్రాఫిక్స్ సాయంతో అలా చూపించడం జరుగుతుంది. ఈ బ్యాట్‌మొబైల్ తొలిసారిగా బ్యాట్‌మ్యాన్ బిగిన్స్ అనే చిత్రంలో ఉపయోగించారు. దీనికి సీక్వెల్‌గా వచ్చిన 'ది డార్క్ నైట్' బ్యాట్‌మొబైల్ కారుతో పాటుగా బ్యాట్‌పాడ్ అనే సూపర్‌బైక్‌ను కూడా ఉపయోగించారు. ఈ వాహనాలకు మంచి క్రేజ్ ఉండటంతో కొత్తగా రానున్న 'ది డార్క్ నైట్ రైజెస్' సినిమాలో బ్యాట్‌పాడ్, బ్యాట్‌మొబైల్‌ను ఉపయోగించటం జరిగింది.