హీరో మోటోకార్ప్-ఎరిక్ బ్యూయెల్‌ నుండి సూపర్‌బైక్

Gallery | More Images

రేస్ బైక్‌లకు ప్రాచుర్యం పొందిన ఎరిక్ బ్యూయెల్ రేసింగ్ కంపెనీ, ప్రపంచపు అగ్రగామి ద్విచక్ర వాహన కంపెనీ హీరో మోటోకార్ప్‌ల నుండి రానున్న సూపర్‌బైక్‌పై ఇప్పుడు బైక్ లవర్స్ దృష్టంతా కేంద్రీకృతమై ఉంది. ప్రపంచ వ్యాప్తంగా మంచి మార్కెట్ కలిగిన సూపర్ బైక్స్ సెగ్మెంట్‌ను తాము ఇన్నాళ్లు మిస్ అయ్యామని, ఇకపై ఈ సెగ్మెంట్లో కూడా తమ సత్తా ఏంటో ప్రపంచానికి చాటిచెప్పేందుకు సిద్ధమవుతున్నామని హీరో మోటోకార్ప్ ఎమ్‌డి, సీఈఓ పవన్ ముంజాల్ తెలిపారు.

అంతర్జాతీయ మార్కెట్లలో మంచి డిమాండ్ ఉన్నట్లయితే, ఇండియాలో హై-ఎండ్ ఇంజన్లను కూడా ఉత్పత్తి చేస్తామని, అలాగే విదేశీ మార్కెట్లలో కూడా వీటిని ఉత్పత్తి చేస్తామని ఆయన చెప్పారు. హీరో మోటోకార్ప్ ఇటీవల ఢిల్లీలో జరిగిన ఆటో ఎక్స్‌పోలో విడుదల చేసిన హైబ్రిడ్ స్కూటర్ లీప్‌ను ఈబిఆర్‌తో కలిసి అభివృద్ధి చేసింది. ఈబిఆర్‌తో హీరో మోటోకార్ప్‌కు కుదిరిన ఒప్పందం ప్రకారం, హీరో మోటోకార్ప్ అందిచే భవిష్యత్తులో మార్కెట్లోకి తీసుకురానున్న మోడళ్లకు కావల్సిన కటింగ్-ఎడ్జ్ టెక్నాలజీ, డిజైన్ నుండి డెవలప్‌మెంట్ సేవలను ఎరిక్ బ్యూయెల్ రేసింగ్ అందించనుంది.