Click it and Unblock the Notifications
లాభాల బాటలో హీరో మోటోకార్ప్, ఇగ్నైటర్ విడుదల
దేశపు ద్వితీయ అగ్రగామి ద్విచక్ర వాహన తయారీ కంపెనీ హీరో మోటోకార్ప్ ప్రస్తుత ఆర్థిక సంవత్సరం జూన్ 30తో ముగిసిన మొదటి త్రైమాసికంలో ప్రోత్సాహకర ఆర్థిక ఫలితాలను నమోదు చేసుకుంది. ఈ సమయంలో కంపెనీ నికర లాభం 10.31 శాతం వృద్ధిని సాధించి రూ.615.46 కోట్లుగా నమోదైంది. గడచిన ఆర్థిక సంవత్సరం ఇదే సమయంలో కంపెనీ నికర లాభం రూ.557.89 కోట్లుగా ఉన్నట్లు హీరో మోటోకార్ప్ ఓ ప్రకటనలో పేర్కొంది.
ఈ మొదటి త్రైమాసికంలో కంపెనీ నిర్వహణ ద్వారా వచ్చిన ఆదాయం రూ.6,207.78 కోట్లుగా నమోదు కాగా, ఇది వరకటి సంవత్సరంలో ఇదే కాలానికి నిర్వహణ ఆదాయం రూ.5,637.64 కోట్లుగా ఉంది. ఈ సమయంలో కంపెనీ ఏకీకృత అమ్మకాలు 16,42,292 యూనిట్లు పెరిగాయి.
హీరో ఇగ్నైటర్ విడుదల:
గడచి జనవరిలో జరిగిన ఢిల్లీ ఆటో ఎక్స్పోలో హీరో మోటోకార్ప్ విడుదల చేసిన హీరో ఇగ్నైటర్ 125సీసీ మోటార్సైకిల్ను కంపెనీ తాజాగా కర్ణాటక మార్కెట్లో విడుదల చేసింది. కర్ణాటక మార్కెట్లో హీరో ఇగ్నైటర్ ప్రారంభ ధర రూ.56,747 (ఎక్స్-షోరూమ్, బెంగుళూరు) లుగా ఉంది. హీరో ఇగ్నైటర్లో హోండా సిబిఎఫ్ స్టన్నర్లో ఉపయోగించిన 124.77సీసీ ఏటిఎఫ్టి సింగిల్ సిలిండర్, ఎయిర్-కూల్డ్ ఇంజన్నే ఉపయోగించారు. ఇది గరిష్టంగా 11 బిహెచ్పిల శక్తిని, 11 ఎన్ఎమ్ల టార్క్ను ఉత్పత్తి చేస్తుంది. హీరో ఇగ్నైటర్ 5-స్పీడ్ గేర్బాక్స్తో లభిస్తుంది.
హీరో ఇగ్నైటర్ బైక్ రెండు వేరియంట్లలో (డ్రమ్ బ్రేక్ + సెల్ఫ్ స్టార్ట్, డిస్క్ బ్రేక్ + సెల్ఫ్ స్టార్ట్) నాలుగు ఆకర్షనీయమైన రంగుల్లో లభ్యం కానుంది. ఇది 3 ఏళ్లు లేదా 4,000 కి.మీ. వారంటీతో పాటుగా ఆరు ఉచిత సర్వీసులతో (560 రోజులు) లభిస్తుంది.
హీరో ఇగ్నైటర్ 125సీసీ బైక్ ఫీచర్లు:
* శక్తివంతమైన న్యూ జనరేషన్ 125సీసీ ఏటిఎఫ్టి ఇంజన్
* మంచి కాంతివంతమైన, ఆకర్షనీయమైన డిజైన్ కలిగిన (స్ట్రైకింగ్ ట్రపేజోడియల్) హెడ్లైట్
* డిజిటల్-అనలాగ్ కాంబో మీటర్ కన్సోల్
* స్టయిలిష్ స్ప్లిట్ (రెండుగా విడిపోయి ఉండే) సీట్
* డాజ్లింగ్ టెయిల్ లైట్ (బ్రేక్ లైట్)
* డ్యూయెల్ టోన్ (రెండు రంగులతో కూడిన) రియర్ వ్యూ మిర్రర్
* క్లాసీ లుక్ కలిగిన బైక్ ముంద భాగం (ఫ్రంట్ కౌల్)
* అడ్జస్టబల్ రియర్ షాక్ అబ్జార్వర్స్
* బైక్ బాడీ కలర్లోనే ఉండే రియర్ గ్రిప్ (గ్రాబ్ రెయిల్)
Continue with Google