రూ.42,362 లకే కొత్త డియోను విడుదల చేసిన హోండా

కొత్త 2012 డియో స్కూటర్‌లో మరింత శక్తివంతమైన ఇంజన్‌ను ఉపయోగించడం జరిగింది. ఇందులో ఉపయోగించిన 110సీసీ ఇంజన్ 8 బిహెచ్‌పిల శక్తిని విడుదల చేస్తుంది. ప్రస్తుతం మార్కెట్లో లభిస్తున్న మార్కెట్లో లభిస్తున్న రెండవ తరం (సెకండ్ జనరేషన్) ఆక్టివాలో కూడా ఇదే ఇంజన్‌ను ఉపయోగించడం జరిగింది. ఇది పాత డియోతో (లీటరుకు 55 కి.మీ. మైలేజ్) పోల్చుకుంటే 15 శాతం అధిక మైలేజీనిస్తుంది.

కొత్త 2012 డియో ముందు (ఫ్రంట్) డిజైన్ పూర్తిగా మార్చి వేయబడింది. అలాగే, టెయిల్ లైట్ అరేంజ్‌మెంట్‌ కూడా మార్పు చేయబడింది. ఇందులో కొత్తగా కాంబి బ్రేక్ సిస్టమ్‌ను ఉపయోగించామని కంపెనీ వైస్ ప్రెసిడెంట్ (సేల్స్ అండ్ మార్కెటింగ్) ఎన్.కె. రతన్ తెలిపారు. స్పోర్టీ లుక్‌, స్పోర్టీ రైడ్ అనుభూతినిచ్చే ఈ స్కూటర్ ధర రూ.42,362 (ఎక్స్-షోరూమ్)గా నిర్ణయించామని, ఫిబ్రవరి చివరి నుండి ఇది మార్కెట్లో లభ్యమవుతుందని ఆయన తెలిపారు.