రెండు కొత్త గేర్‌బాక్సులను విడుదల చేయనున్న కైనెటిక్

Published: Thursday, January 19, 2012, 12:29 [IST]

ప్రముఖ విడిభాగాల తయారీ సంస్థ కైనెటిక్ ఇంజనీరింగ్ తమ కస్టమర్ల కోసం రెండు కొత్త గేర్‌బాక్సులను విడుదల చేయనున్నట్లు ప్రకటించింది. తాము అభివృద్ధి చేసిన ఈ రెండు ముఖ్యమైన ఉత్పత్తులు విజుదలకు సిద్ధంగా ఉన్నాయని, వీటిని అభివృద్ధి చేయడానికి 18 నెలల సమయం పట్టిందని కైనెటిక్ ఇంజనీరింగ్ వైస్ చైర్‌పర్సన్ సులజ్జా ఫిరోడియా మోత్వానీ తెలిపారు.

వీటిల్లో ఓ గేర్‌బాక్సును పియాజ్జియో ఆపే ఫోర్ వీలర్‌లో ఉపయోగించనున్నామని, ఇది విడుదలకు సిద్ధంగా ఉన్న సరికొత్త ఫ్లాట్‌ఫామ్ అని ఆయన చెప్పారు. కాగా.. రెండవ ఉత్పత్తిని మహీంద్రా నావిస్టార్ ట్రక్కుల కోసం తయారు చేసిన పూర్తిగా అసెంబ్లింగ్ చేసుకోదగిన గేర్‌బాక్స్, మరో రెండు-మూడు నెలల్లో ఇది విడుదలవుతుందని మోత్వానీ వ్యాఖ్యానించారు.