కొత్త వెర్షన్ యమహా ఆర్15 2.0 బుకింగ్‌లు ప్రారంభం

Published: Saturday, February 4, 2012, 17:41 [IST]

భారత మార్కెట్లో యమహా అందిస్తున్న ప్రీమియం మోటార్‌సైకిల్ 'యమహా ఆర్15'లో గడచిన సెప్టెంబర్ నెలలో కంపెనీ ఓ సరికొత్త వెర్షన్‌ను 'యమహా వైజెడ్ఎఫ్ ఆర్15 వెర్షన్ 2.0' అనే పేరుతో ప్రవేశపెట్టిన సంగతి తెలిసిందే. కాగా.. ఇందులో ఇటీవల ఢిల్లీ ఆటో ఎక్స్‌పోలో ఓ సరికొత్త అప్‌గ్రేడెడ్ వెర్షన్‌ను కంపెనీ విడుదల చేసింది. సాంకేతిక పరంగా ఎలాంటి మార్పులు చేయకుండా సరికొత్త రంగుల కలయికతో ఈ మోడల్‌ను విడుదల చేసింది. అన్ని యమహా డీలర్‌షిరప్ కేంద్రాల్లో కొత్త ఆర్15 2.0ను బుక్ చేసుకోవచ్చు.

ప్రస్తుతం ఈ రిఫ్రెష్డ్ వెర్షన్ ఆర్15 2.0 బైక్‌కు కంపెనీ బుకింగ్‌లను ప్రారంభించింది. కంపెనీ 50వ వార్షికోత్సవం సందర్భంగా విడుదల చేసిన డబ్ల్యూజిపి ఎడిషన్, ఫైరీ రెడ్ స్పెషల్ ఎడిషన్ అనే రెండు కొత్త రంగల్లో ఇది లభిస్తుంది. ఈ రెండు వేరియంట్ల ధరలు రూ. 1.10 లక్షలు (ఎక్స్-షోరూమ్, ఢిల్లీ)గా ఉన్నాయి. యమహా ఆర్15 వెర్షన్ 2.0 లిక్విడ్ కూల్డ్ 4 వాల్వ్ 150 సీసీ ఇంజన్ గరిష్టంగా 8,000 ఆర్‌పిఎమ్ వద్ద 17 బిహెచ్‌పిల శక్తిని, 7,500 ఆర్‌పిఎమ్ వద్ద 15 ఎన్ఎమ్‌ల టార్క్‌ను ఉత్పత్తి చేస్తుంది.

Article Published On: Saturday, February 4, 2012, 17:41 [IST]

English summary

Yamaha Motor India has launched refreshed versions of its all new R15 version 2.0 sports bike in two different colours. These two new color schemes on the bikes are called WGP 5oth Anniversary Edition and Fiery Red Special Edition and will be available with a price of Rs.1.10 lakhs (ex-showroom Delhi).

More from DriveSpark