కెటిఎమ్ డ్యూక్ 200 బైక్ కోసం రేస్‌లైన్ స్టిక్కర్స్

మీరు కెటిఎమ్ డ్యూక్ 200 బైక్‌ని ఉపయోగిస్తున్నారా..? మీ స్పోర్ట్స్ బైక్‌కి మరింత స్పోర్టీ లుక్ ఇవ్వాలనుకుంటున్నారా..? అయితే, మీ కోసమే కెటిఎమ్ సరికొత్త కస్టమ్ 'రేస్‌లైన్' స్టిక్కర్లను విడుదల చేసింది. ఈ స్టిక్కర్లను మీ కెటిఎమ్ డ్యూక్ 200 మోటార్‌సైకిల్‌కు అంటిస్తే, మీ బైక్ మరింత స్పోర్టీ లుక్‌తో ఓ రేస్ బైక్‌ను తలపిస్తుంది. ఈ స్టిక్కర్లను ఫ్యూయెల్ ట్యాంక్ కోసం డిజైన్ చేశారు.

కెటిఎమ్ డ్యూక్ 200 మోటార్‌సైకిల్‌ ఫ్యూయెల్ ట్యాంక్‌పై అటు, ఇటు రెండువైపులా ఈ స్టిక్కర్లను అంటిచవచ్చు. అంతేకాకుండా, ముందువైపు షాక్ అబ్జార్వర్స్ కోసం డబ్ల్యూపి స్టిక్కర్స్, రియర్ సీట్ కౌల్ (ప్యానెల్), ఇంజన్ కౌల్, ఫ్రేమ్స్, రిమ్స్ కోసం రేసింగ్ స్టిక్కర్స్ వంటివి ఈ కిట్‌లో పొందవచ్చు. ఈ మొత్తం కిట్ ధర రూ.4,560 లుగా ఉన్నట్లు కంపెనీ పేర్కొంది.

బజాజ్ కెటిఎమ్ డ్యూక్ 200 ఫోటో గ్యాలరీ:

ఇక కెటిఎమ్ డ్యూక్ 200 బైక్‌ విషయానికి వస్తే. ఇందులో 200సీసీ, 4-వాల్వ్ సింగిల్ సిలిండర్, లిక్విడ్ కూలింగ్ ఫ్యూయెల్ ఇంజెక్టెడ్ డిఓహెచ్‌సి ఇంజన్‌ను ఉపయోగించారు. ఇది గరిష్టంగా 25 బిహెచ్‌పిల శక్తిని, 20 ఎన్ఎమ్‌ల టార్క్‌ను ఉత్పత్తి చేస్తుంది. ఇది కేవలం 9.01 సెకండ్లలోనే 0-100 కి.మీ. వేగాన్ని అందుకుంటుంది. ఇది గరిష్టంగా గంటకు 136 కి.మీ. వేగంతో పరుగులు తీస్తుంది.

ఇంకా ఇందులో ఎలక్ట్రిక్ స్టార్ట్, ఫ్రంట్ అండ్ రియర్ డిస్క్ బ్రేక్స్, 6-స్పీడ్ మ్యాన్యువల్ ట్రాన్సిమిషన్, 10.5 లీటరల్ ఫ్యూయెల్ ట్యాంక్, ఓ (O) రింగ్ చైన్, 170 మి.మీ. గ్రౌండ్ క్లియరెన్స్ వంటి విశిష్టమైన ఫీచర్లు ఉన్నాయి. కెటిఎమ్ డ్యూక్ 200 ఎక్స్‌-షోరూమ్‌, హైదరాబాద్‌ ధర రూ.1,20,057 లుగా ఉంది.