మార్చిలో మార్కెట్లోకి రానున్న సుజుకి బడ్జెట్ బైక్ 'హయాటే'
దీంతో మోటార్సైకిల్ సెగ్మెంట్లో మంచి మార్కెట్ వాటాను దక్కించుకునేందుకు ఇటీవల జనవరిలో జరిగిన 2012 ఢిల్లీ ఆటో ఎక్స్పోలో సుజుకి మోటార్సైకిల్ ఇండియా తమ బడ్జెట్ బైక్ "సుజుకి హయాటే"ను ఆవిష్కరించిన సంగతి తెలిసిందే. ప్రత్యేకించి తక్కువ ధరలో ఓ మంచి ద్విచక్ర వాహనాన్ని భారతీయ కొనుగోలుదారులకు అందివ్వాలనే ఉద్దేశ్యంతో కంపెనీ ఈ మోటార్సైకిల్ను డిజైన్ చేసింది.
కాగా.. వచ్చే నెలలో సుజుకి హయాటే 100సీసీ బైక్ను వాణిజ్యపరంగా మార్కెట్లోకి అందుబాటులోకి తీసుకువచ్చేందుకు కంపెనీ సన్నాహాలు చేస్తుంది. ఇప్పటికే స్విష్ 125సీసీ స్కూటర్ను కంపెనీ వాణిజ్యపరంగా దేశీయ విపణిలో విడుదల చేసిన సంగతి తెలిసిందే. సుజుకి హయాటేలో 112.8సీసీ, సింగిల్ సిలిండర్, ఫోర్-స్ట్రోక్ ఇంజన్ను ఉపయోగించారు. ఇది ఫోర్-స్పీడ్ మ్యాన్యువల్ ట్రాన్సిమిషన్ సిస్టమ్తో లభిస్తుంది.
స్టయిలిష్ బైక్ను కోరుకునే యువతను దృష్టిలో ఉంచుకొని సుజుకి ఈ బైక్ను అభివృద్ధి చేసింది. అంతేకాకుండా మైలేజ్లో ఏ మాత్రం తీసిపోకుండా లీటరు పెట్రోల్కు సుమారు 60 కి.మీ. మైలేజీనిచ్చే విధంగా కంపెనీ హయాటేను తీర్చిదిద్దింది. హయాటే ఆన్-రోడ్ ధర రూ.48,000-50,000 రేంజ్లో ఉండేలా సుజుకి చర్యలు తీసుకోనున్నట్లు సమాచారం. ఇదే సెగ్మెంట్లో హోండా నుండి త్వరలో మార్కెట్లోకి రానున్న బడ్జెట్ బైక్ డ్రీమ్ యుగ 110సీసీ బైక్కు గట్టి పోటీ ఇవ్వనుంది.


Click it and Unblock the Notifications









