Click it and Unblock the Notifications
హీరో ఇంపల్స్, మ్యాస్ట్రో, ఇగ్నైటర్ మోడళ్ల ఉత్పత్తి కొనసాగుతుంది
ప్రముఖ ఆటోమొబైల్ మ్యాగజైన్ ఓవర్డ్రైవ్ ప్రచురించిన సమచారం ప్రకారం, ఈ మూడు మోడళ్లు కూడా భారత మార్కెట్లో విడుదలై ఇంకా ఏడాది కూడా పూర్తి చేసుకోకపోవటం, వీటి మార్కెటింగ్ కోసం హీరో మోటోకార్ప్ ఇప్పటికే కోట్ల రూపాయలను ఖర్చు చేసి టెలివిజన్ వాణిజ్య ప్రకటనలు, వార్తా పత్రికల ప్రకటనలు వంటి చేయటం, మరోవైపు కంపెనీ హీరో మ్యాస్ట్రో, హీరో ఇగ్నైటర్ మోడళ్ల ఉత్పత్తి సామర్థ్యాన్ని పెంచడాన్ని బట్టి చూస్తుంటే ఇవి దేశీయ విపణిలో మరికొంత కాలం కొనసాగే సూచనలు కనిపిస్తున్నాయి.
గడచిన సంవత్సరం హీరో హోండా జాయింట్ వెంచర్ నుంచి హోండా విడిపోయిన సంగతి తెలిసిందే. అప్పటి నుంచి హీరో సాంకేతిక భాగస్వామి కోసం శోధిస్తోంది. కంపెనీ ఇటీవలే ఎరిక్ బ్యూయెల్తో ఓ ఒప్పందాన్ని కూడా కుదుర్చుకుంది. ఏదేమైనప్పటికీ.. హీరో, హోండా కంపెనీల మధ్య కుదిరిన లైసెన్స్ ఒప్పందం ప్రకారం, 2012 వరకూ హోండా సాంకేతిక పరిజ్ఞానాన్ని హీరో ఉపయోగించుకోవచ్చు.
హీరో హోండా కంపెనీ హీరో మోటోకార్ప్గా రూపాంతరం చెందిన తర్వాత తొలిసారిగా హీరో ఇంపల్స్ మోటార్సైకిల్ను మార్కెట్లో విడుదల చేసింది. గతేడాది అక్టోబర్ నెలలో హీరో ఇంపల్స్ దేశీయ విపణిలో విడుదలైంది. ఇటు ఆన్-రోడ్, అటు ఆఫ్-రోడ్ ప్రయోజనార్థం రూపొందించిన హీరో ఇంపల్స్ మోటార్సైకిల్లో 150 సీసీ సింగిల్ సిలిండర్ ఫోర్ స్ట్రోక్ ఇంజన్ ఉపయోగించారు. ఇది 13.8 బిహెచ్పిల శక్తిని, 13.6 ఎన్ఎమ్ల టార్క్ను విడుదల చేస్తుంది.
అలాగే, గడచిన ఏప్రిల్ నెలలో హీరో మాస్ట్రో స్కూటర్ను కంపెనీ మార్కెట్లో అందుబాటులోకి తీసుకువచ్చింది. ఇందులో 109సీసీ, 4-స్ట్రోక్, సింగిల్ సిలిండర్, ఎయిర్ కూల్డ్, ఓహెచ్సి ఇంజన్ ఉపయోగించారు. ఇది 7,500 ఆర్పిఎమ్ వద్ద 8.2 పిఎస్ల గరిష్ట శక్తిని, 5,500 ఆర్పిఎమ్ వద్ద 9.10 ఎన్ఎమ్ల గరిష్ట టార్క్ను విడుదల చేస్తుంది. ఇది లీటరు పెట్రోల్కు సుమారు 60 కి.మీ. మైలేజీనిస్తుంది.
కాగా.. గడచిన ఆగస్ట్ నెలలో హీరో ఇగ్నైటర్ మోటార్సైకిల్ను హీరో మోటోకార్ప్ దేశీయ విపణిలో ప్రవేశపెట్టింది. ఇందులో ఉపయోగించిన 124.77సీసీ ఏటిఎఫ్టి సింగిల్ సిలిండర్, ఎయిర్-కూల్డ్ ఇంజన్ 8000 ఆర్పిఎమ్ వద్ద 11 బిహెచ్పిల శక్తిని, 5000 ఆర్పిఎమ్ వద్ద 11 ఎన్ఎమ్ల టార్క్ను ఉత్పత్తి చేస్తుంది
Continue with Google