సరసమైన ధరకే మార్కెట్లో విచ్చేసిన యమహా రే స్కూటర్

Posted By:

ప్రత్యేకించి భారతీయ యువతులను దృష్టిలో ఉంచుకొని యమహా ఇండియా అభివృద్ధి చేసిన తమ తొలి స్కూటర్ 'యమహా రే'ను కంపెనీ నేడు (సెప్టెంబర్ 14, 2012 శుక్రవారం) హైదరాబాద్ మార్కెట్లో లాంఛనంగా విడుదల చేసింది. సరికొత్త డిజైన్, స్టయిలిష్ లుక్ కలిగిన ఈ స్కూటర్‌ను కంపెనీ సరసమైన ధరకే అందిస్తోంది. భారత మార్కెట్లో యమహా రే స్కూటర్ ధర కేవలం రూ.46,000 (ఎక్స్-షోరూమ్, ఢిల్లీ) మాత్రమే.

ధర పరంగా చూసుకుంటే ఈ సెగ్మెంట్లో కెల్లా యమహా రే అత్యంత చవక స్కూటర్‌గా చెప్పుకోవచ్చు. యమహా రేలో ఇది వరకు చెప్పుకున్నట్లు 125సీసీ ఇంజన్‌ను కాకుండా 113సీసీ ఇంజన్‌ను ఉపయోగించారు. ఇది గరిష్టంగా 7 హెచ్‌పిల శక్తిని, 8.1 ఎన్ఎమ్ టార్క్‌ను ఉత్పత్తి చేస్తుంది. దీన్ని బట్టి చూస్తుంటే, యమహా రే స్కూటర్ సాటిలేని పెర్ఫామెన్స్‌ను కలిగి ఉండనుంది. అంతేకాకుండా ఇది లీటరు పెట్రోల్‌కు 61.1 కి.మీ. మైలేజీనిస్తుందని కంపెనీ పేర్కొంది. ఫ్యూయెల్ ట్యాంక్ కెపాసిటీ 5 లీటర్లు.

యమహా రే స్కూటర్ రెండేళ్లు లేదా 24,000 కి.మీ. (ఏది ముందు మగిస్తే అది) వారంటీతో లభిస్తుంది. యమహా రే స్కూటర్ ద్వారా ద్విచక్ర వాహన సెగ్మెంట్లో గరిష్ట మార్కెట్ వాటాను ఆర్జించాలని కంపెనీ లక్ష్యంగా పెట్టుకుంది. ఇప్పటికే, ఈ స్కూటర్‌కు మార్కెట్లో అశేష ఆదరణ లభిస్తోంది. యమహా రే స్కూటర్ కోసం కంపెనీ తమ బ్రాండ్ అంబాసిడర్‌గా బాలీవుడ్ భామ దీపికా పడుకొనేను కంపెనీ నియమించుకున్న విషయం తెలిసిందే.

English summary
India Yamaha Motor has finally entered the Indian scooter market by launching the new Ray scooter at a glittering event in Hyderabad. Yamaha's first scooter in India is available with a starting price of Rs.46,000 (ex-showroom price Delhi).
Please Wait while comments are loading...

Latest Photos