Click it and Unblock the Notifications
యమహా రే: విడుదలకు ముందే 5,000 బుకింగ్స్
యమహా రే స్కూటర్ కోసం ఆన్లైన్ బుకింగ్లు ప్రారంభించిన 10 రోజుల్లోనే, ఇది 5,000 బుకింగ్లను సొంతం చేసుకొని విడుదలకు ముందే ఘన విజయాన్ని సాధించింది.
ఈ సందర్భంగా, ఇండియా యమహా మోటార్ నేషనల్ బిజినెస్ హెడ్ రాయ్ కురియెన్ మాట్లాడుతూ.. తమ డీలర్షిప్ కేంద్రాలలో కేవలం రూ.5,000 నుంచి రూ.10,000 డౌన్పేమెంట్తో బుకింగ్లను స్వీకరిస్తున్నామని, ఇప్పటికే 5,000 యూనిట్లకు బుకింగ్లు వచ్చాయని అన్నారు. గుజరాత్, మధ్యప్రదేశ్, మహారాష్ట్ర, కర్ణాటక, తమిళనాడు, ఆంధ్రప్రదేశ్, కేరళ రాష్ట్రాల నుంచి మంచి స్పందన లభించిందని ఆయన అన్నారు.
ప్రస్తుత తరం యువతులను దృష్టిలో ఉంచుకొని యమహా ఈ స్కూటర్ను డిజైన్ చేసింది. యమహా రే స్కూటర్ స్టయిలిష్ గ్రాఫిక్స్, స్టన్నింగ్ లుక్, పవర్ఫుల్ పెర్ఫామెన్స్, ఆకర్షనీయమైన ఏరోడైనమిక్స్లను కలిగి ఉండి నేటి యువతరాన్ని ఇట్టే ఆకట్టుకుంటుంది. ఇందులో ఉపయోగించిన పవర్ఫుల్ 125సీసీ ఇంజన్ గరిష్టంగా 10 బిహెచ్పిల శక్తిని విడుదల చేయనుంది. దేశీయ విపణిలో ఈ స్కూటర్ ధర రూ.50,000 నుంచి రూ.55,000 రేంజ్లో ఉండొచ్చని అంచనా.
హోండా యాక్టివా, సుజుకి యాక్సెస్, సుజికి స్విష్, మహీంద్రా డ్యూరో డిజెడ్, మహీంద్రా రోడియో ఆర్జెడ్ వంటి మోడళ్లకు గట్టి పోటీ ఇవ్వనున్న యమహా రే స్కూటర్ సెప్టెంబర్ 14, 2012వ తేదీన మార్కెట్లో విడుదల కానుంది. ఈ స్కూటర్కు సంబంధించి ఎప్పటికప్పుడు తాజా సమాచారం కోసం తెలుగు డ్రైవ్ స్పార్క్ను గమనిస్తూనే ఉండండి.
Continue with Google