అత్యధిక నెలవారీ అమ్మకాలను సాధించిన హీరో మోటోకార్ప్

గడచిన సంవత్సరంలో నెలలో అత్యధిక నెలవారీ అమ్మకాల రికార్డు (5,56,644 యూనిట్లు) నమోదయ్యిందని, ఆ తర్వాత ఇంత గరిష్ట మొత్తంలో అమ్మకాలు నమోదు కావటం ఇదే మొదటిసారి అని కంపెనీ తెలిపింది. తాము ఇటీవలే మార్కెట్లోకి ప్రవేశపెట్టిన ఇగ్నైటర్‌, ప్యాషన్‌ ఎక్స్‌‌ప్రో మోడళ్లకు వినియోగదారుల నుంచి ఆధరణ లభించిందని, దీంతో రికార్డు స్థాయి అమ్మకాలు నమోదయ్యాయని హీరో మోటోకార్ప్ వైస్‌ ప్రెసిడెంట్‌ (మార్కెటింగ్‌ అండ్‌ సేల్స్‌) అనిల్‌ దువా తెలిపారు.

ఇదే సమయంలో ప్లెజర్‌, మ్యాస్ట్రో స్కూటర్లకు కూడా మంచి డిమాండ్ ఏర్పడిందని ఆయన అన్నారు. మొత్తమ్మీద చూసుకుంటే, భారతద్విచక్ర వాహన రంగం అంకెల పరంగా మంచి పురోగతిని సాధించిందని, భవిష్యత్తులో కూడా తాము ఇదే పరపతిని కొనసాగిస్తామని అనిల్ ధీమా వ్యక్తం చేశారు. ప్రస్తుత నెలలో రాజస్థాన్‌లోని నీమ్రానాలో గ్లోబల్‌ పార్ట్స్‌ సెంటర్‌ (జిపిసి) నిర్మాణ పనులు ప్రారంభం కానున్నాయని, ఈ ప్లాంట్ ఏర్పాటు కోసం రూ.550 కోట్ల పెట్టుబడులను వెచ్చిస్తున్నామని హీరో మోటోకార్ప్ పేర్కొంది.