Click it and Unblock the Notifications
హోండా నుంచి రానున్న సరికొత్త 150సీసీ బైక్
హోండా తాజాగా సిబిఆర్ సిరీస్లో విడుదల చేసిన 150సీసీ బైక్ ధర పరంగా కాస్తంత అధికంగా ఉండటంతో ఈ మోడల్ బడ్జెట్ పెర్ఫామెన్స్ బైక్ ప్రియులకు అందుబాటులో లేదు. ఈ నేపథ్యంలో, సరసమైన ధరకే సరికొత్త పవర్ఫుల్, స్టయిలిష్ 150సీసీ మోటార్సైకిల్ను విడుదల చేయాలని హోండా యోచిస్తోంది. పరిశ్రమ వర్గాల సమాచారం ప్రకారం హోండా ఈ కొత్త బైక్ను, భారత్లో కొత్తగా ఏర్పాటు చేసిన రీసెర్చ్ అండ్ డెవల్మెంట్ (ఆర్ అండ్ డి) కేంద్రంలో అభివృద్ధి చేస్తోంది.
హోండా ఇటీవల అప్గ్రేడ్ చేసిన తమ స్కూటర్లను విడుదల చేస్తూ, ప్రతి సంవత్సరం కనీసం నాలుగు ఉత్పత్తులను మార్కెట్లోకి తీసుకువస్తామని, అలాగే ఈ సంవత్సరంలో కూడా కొత్తగా నాలుగు ఉత్పత్తులను విడుదల చేస్తామని, అందులో మొదటి ఉత్పత్తి (బహుశా ఈ కొత్త 150సీసీ బైక్ కావచ్చు)ని ఈ ఆర్థిక సంవత్సరం ఆరంభంలో విడుదల చేస్తామని ప్రకటించిన సంగతి తెలిసిందే. హోండా అభివృద్ధి చేస్తున్న ఈ కొత్త 150సీసీ బైక్ ఏప్రిల్-జూన్ 2013 త్రైమాసికంలో మార్కెట్లో విడుదల కావచ్చని అంచనా.
Continue with Google