క్యాస్ట్రాల్ పవర్1 ఇంజన్ ఆయిల్‌ను విడుదల చేసిన జాన్ అబ్రహామ్

ప్రముఖ ఇంజన్ ఆయిల్ తయారీ సంస్థ క్యాస్ట్రాల్, ఫోర్ స్ట్రోక్ మోటార్‌సైకిళ్ల కోసం తమ పాపులర్ పవర్1 ఇంజన్ ఆయిల్‌ను తిరిగి మార్కెట్లో ప్రవేశపెట్టింది. ప్రముఖ బాలీవుడ నటుడు జాన్ అబ్రహామ్ చేతుల మీదుగా ఈ ఇంజన్ ఆయిల్‌ను విడుదల చేశారు.

డ్రాగ్‌ను తగ్గించి, ఆయిల్ వేగంగా ప్రవహించేలా ఈ క్యాస్ట్రాల్ పవర్1 ఇంజన్ ఆయిల్‌ను రూపొందించారు. దీని ఫలితంగా బైక్ పవర్, యాక్సిలరేషన్ మరింత పెరుగుతాయి. క్యాస్ట్రాల్ పవర్1 ఇప్పుడు కొత్త గోల్డ్, స్టార్ ప్యాక్‌‌లలో 1 లటర్, 900 మి.లీ. ప్యాకెట్లలో లభ్యమవుతాయి.

ఈ ఇంజన్ ఆయిల్ విడుదలతో పాటుగా, క్యాస్ట్రాల్ పవర్1 బ్రాండ్ అంబాసిడర్ మరియు స్వతహాగా బైక్ ప్రియుడైన జాన్ అబ్రహామ్ 'బైక్ ఆఫ్ ది ఇయర్ క్యాంపైన్'ను కూడా ప్రారంభించారు. ఈ క్యాంపైన్‌ను ఎక్స్‌బిహెచ్‌పి, క్యాస్ట్రాల్ పవర్1లు స్పాన్సర్ చేస్తున్నాయి.

ఎక్స్‌బిహెచ్‌పి, క్యాస్ట్రాల్ పవర్1లు స్పాన్సర్ చేస్తున్న బైక్ ఆఫ్ ది ఇయర్ క్యాంపైన్‌ ప్రస్తుతం ఆన్‌లైన్‌లో నిర్వహణలో ఉంది. ఇందు కోసం ఓటింగ్స్ సెప్టెంబర్ 15, 2013 వరకు ఓపెన్ చేయబడి ఉంటాయి. దీనికి సంబంధించిన మరింత సమాచారాన్ని https://boty.xbhp.com/ వెబ్‌సైట్ నుంచి తెలుసుకోవచ్చు.