వరల్డ్ సూపర్‌బైక్ ఛాంపియన్‌షిప్‌లో హీరో మోటోకార్ప్

దేశపు అగ్రగామి ద్విచక్ర వాహన తయారీ కంపెనీ హీరో మోటోకార్ప్ గతంలో అమెరికాకు చెందిన ప్రముఖ మోటార్‌సైకిల్ కంపెనీ ఎరిక్ బ్యూయెల్ రేసింగ్ (ఈబిఆర్)ను తమ సాంకేతిక భాగస్వామిగా ఎంచుకున్న సంగతి తెలిసినదే. తాజా అప్‌డేట్ ప్రకారం, హీరో మోటోకార్ప్ ఇప్పుడు ఎరిక్ బ్యూయెల్ రేసింగ్‌‌తో కలిసి '2014 వరల్డ్ సూపర్‌బైక్ ఛాంపియన్‌షిప్'లో పాల్గొనబోతుంది.

ఈ నేపథ్యంలో, ఈబిఆర్ ఇటీవలే చేసిన రేస్-ఓన్లీ వెర్షన్ '1190ఆర్ఎక్స్'ను విడుదల చేసింది (ఈ బైక్ ప్రొడక్షన్ మోడల్ కాదు, దీనిని కేవలం రేస్‌ల కోసం మాత్రమే ఉపయోగిస్తారు). ఈ జట్టుకు 'టీమ్ హీరో ఈబిఆర్' అనే పేరును పెట్టారు. ఈ టీమ్ యజమాని క్లాడియో క్వింటారెలీ మరియు టీమ్ మేనేజర్ గియులియో బార్డీ.

వరల్డ్ సూపర్‌బైక్ ఛాంపియన్‌షిప్‌లోకి హీరో మోటోకార్ప్ ప్రవేశించనుండటంతో, ఇందులో పాల్గొనబోతున్న మొట్టమొదటి భారతదేశపు ద్విచక్ర వాహన కంపెనీగా హీరో మోటోకార్ప్ రికార్డు సృష్టించనుంది.