అప్‌డేటెడ్ 2014 హీరో ప్లెజర్ స్కూటర్ విడుదల; ధర రూ.49,126

కొత్త అప్‌డేటెట్ 2014 హీరో ప్లెజర్ స్కూటర్ మునుపటి వెర్షన్ కన్నా మరింత అందంగా లభిస్తుంది. దీని డ్యూయెల్ టోన్ కలర్ (ఆరెంజ్ అండ్ వైట్) ప్రత్యేక ఆకర్షణగా నిలుస్తుంది.

ఈ కొత్త ప్లెజర్ స్కూటర్‌లో రెగ్యులర్ స్టీల్ వీల్స్‌కు బదులుగా అల్లాయ్ వీల్స్‌ను ఉపయోగించారు. ఇండికేటర్ ల్యాంప్స్, గ్రాబ్ రెయిల్స్, టెయిల్ ల్యాంప్ డిజైన్‌ను కూడా మోడిఫై చేశారు.

ఈ సరికొత్త 2014 హీరో ప్లెజర్ స్కూటర్‌లో ప్రధానంగా చెప్పుకోదగిన మార్పు ఏంటంటే, ఇది ఇంటిగ్రేటెడ్ బ్రేకింగ్ సిస్టమ్ (ఐబిఎస్)తో లభిస్తుంది. ఈ సిస్టమ్‌లో భాగంగా ఏ బ్రేక్‌ను (ముందు లేదా వెనుక బ్రేక్‌ను) అప్లయ్ చేసినా, రెండు బ్రేకులు పనిచేయటం ప్రారంభించి, బ్రేకింగ్ దూరాన్ని తగ్గించడం ద్వారా ప్రమాదాన్ని నివారించడం (తీవ్రతను తగ్గించడం) జరుగుతుంది.

ఈ స్కూటర్‌లో సైడ్ స్టాండ్ ఇండికేటర్, గ్లవౌ బాక్స్‌లో మొబైల్ చార్జింగ్ పాయింట్, ట్యూబ్‌లెస్ టైర్లు, అండర్ సీట్ స్టోరేజ్ లైట్ వంటి చెప్పుకోదగిన ఫీచర్లున్నాయి.

ఇంజన్ పరంగా కొత్త ప్లెజర్‌లో ఎలాంటి మార్పులు లేవు. ఇందులో ఉపయోగించిన 102సీసీ ఇంజన్ గరిష్టంగా 6.83 పిఎస్‌ల శక్తిని ఉత్పత్తి చేస్తుంది. ఇది గరిష్టంగా 77 కిలోమీటర్ల వేగంతో పరుగులు తీస్తుంది.

కొత్త 2014 హీరో ప్లెజర్ రెండు వేరియంట్లలో (అల్లాయ్ వీల్స్, స్టీల్ వీల్స్) ఆప్షన్‌తో లభిస్తుంది. స్టీల్ వీల్స్ వేరియంట్ ధర అల్లాయ్ వీల్స్ వేరియంట్ ధర కన్నా దాదాపు 1500 రూపాయలు తక్కువగా ఉంటుంది.

మరి ఈ కొత్త అప్‌గ్రేడెడ్ హీరో ప్లెజర్ స్కూటర్ మీకు నచ్చిందా?