ఛండీఘడ్‌లో డిఎస్‌కే హ్యోసంగ్ కొత్త షోరూమ్ ప్రారంభం

ప్రముఖ కొరియన్ ద్విచక్ర వాహన తయారీ కంపెనీ హ్యోసంగ్, భారత్‌లో మరో కొత్త షోరూమ్‌ను ప్రారంభించింది. దేశీయ విపణిలో తమ నెట్‌వర్క్ విస్తరణలో భాగంగా, డిఎస్‌కే హ్యోసంగ్ ఛండీఘడ్‌లో నూతన షోరూమ్‌ను ప్రారంభించింది. తాజా షోరూమ్ ఏర్పాటుతో భారత్‌లో డిఎస్‌కే హ్యోసంగ్ షోరూమ్‌ల సంఖ్య 39కి చేరుకుంది.

ఛండీఘడ్ నార్త్ ఇండియాలో ప్రముఖమైన నగరాల్లో ఒకటని, ఇక్కడి వినియోగదారులకు మరింత చేరువ అయ్యేందుకు ఈ షోరూమ్‌ను ఏర్పాటు చేస్తున్నామని కంపెనీ పేర్కొంది. ఛండీఘడ్‌లోని వాణిజ్య ప్రాంతమైన ఇండస్ట్రియల్ ఏరియా ప్లాట్ నెం.182/84, ఫేజ్ 1లో ఈ కొత్త షోరూమ్‌ను ఏర్పాటు చేశారు. ఇందులో సేల్స్, సర్వీస్, స్పేర్స్ (3 ఎస్) సేవలను అందించనున్నారు.