Click it and Unblock the Notifications
అతి త్వరలో మహీంద్రా మోజో బైక్ విడుదల
మహీంద్రా గ్రూపుకు చెందిన ద్విచక్ర వాహన విభాగం మహీంద్రా టూవీలర్స్ మరో సరికొత్త ఉత్పత్తి మార్కెట్లోకి రాబోతుంది. ఈ ఏడాది ఫిబ్రవరిలో జరిగిన 2014 ఆటో ఎక్స్పోలో కంపెనీ ప్రదర్శనకు ఉంచిన రిఫ్రెష్డ్ మహీంద్రా మోజో (Mahindra Mojo) 300సీసీ బైక్ విడుదలకు సిద్ధంగా ఉంది. కంపెనీ ఈ బైక్ను ఏ సమయంలో నైనా విడుదల చేసేందుకు రెడీగా ఉంది.
ఇది కూడా చదవండి: బెస్ట్ 200-250సీసీ బైక్స్
మహీంద్రా టూవీలర్స్ ఇప్పటికే మోజో బైక్ను పూనే రోడ్లపై టెస్టింగ్ చేస్తోంది. ఈ టెస్టింగ్ ప్రక్రియ దాదాపు పూర్తయినట్లు తెలుస్తోంది. ఇటీవలే మహీంద్రా టూవీలర్స్ ఓ డీలర్స్ మీట్ను నిర్వహించి ఈ బైక్ను వారి కోసం ప్రదర్శనకు కూడా ఉంచినట్లు సమాచారం. మహీంద్రా మోజో మొత్తం రెండు వేరియంట్లలో (రెగ్యులర్, స్పోర్ట్) లభ్యం కానుంది.
మహీంద్రా మోజో బైక్లో 295సీసీ, సింగిల్ సిలిండర్, లిక్విడ్ కూల్డ్ ఇంజన్ను ఉపయోగించారు. ఈ ఇంజన్ గరిష్టంగా 28 బిహెచ్పిల శక్తిని, 25 ఎన్ఎమ్ల టార్క్ను ఉత్పత్తి చేస్తుంది. స్పోర్ట్ వేరియంట్ కొంచెం ఎక్కువ పెర్ఫామెన్స్ను ఆఫర్ చేసే అవకాశం ఉంది. ఈ ఇంజన్ 6-స్పీడ్ గేర్బాక్స్తో అనుసంధానం చేయబడి ఉంటుంది.
ఇది కూడా చదవండి: బెస్ట్ 125సీసీ స్కూటర్స్
మహీంద్రా మోజో బైక్లో పెటల్ స్టైల్ డిస్క్ బ్రేక్స్, రేడియల్ టైర్స్, అప్సైడ్ డౌన్ ఫోర్క్స్, పీరెల్లీ డెమోన్ టైర్స్ వంటి ఫీచర్లున్నాయి. ఇంకా డిజిటల్ స్పీడోమీటర్, అనలాగ్ టాకోమీటర్ కాంబినేషన్తో కూడిన ఇన్స్ట్రుమెంట్ క్లస్టర్ వంటి ఫీచర్లు కూడా ఉన్నాయి. ఈ బైక్కు సంబంధించిన మరిన్ని అప్డేట్స్ కోసం తెలుగు డ్రైవ్స్పార్క్ను గమనిస్తూ ఉండండి.
Continue with Google