హోండా టూవీలర్ మొబైల్ సర్వీస్ వ్యాన్ సేవలు ప్రారంభం

హోండా మోటార్‌సైకిల్ అండ్ స్కూటర్ ఇండియా లిమిటెడ్, భారత్‌‍లో తమ వినియోగదారుల కోసం సరికొత్త సర్వీస్ సేవలను ప్రారంభించింది. గ్రామీణ ప్రాంతాల్లోని హోండా కస్టమర్లకు తమ సర్వీసింగ్ సేవలను మరింత చేరువ చేసేందుకు గాను హోండా ఈ సరికొత్త ప్రణాళికకు శ్రీకారం చుట్టింది.

హోండా తమ వేవ్ 2.0 స్ట్రాటజీ బ్లూ-ప్రింట్‌లో భాగంగా 'మొబైల్ సర్వీస్ వ్యాన్' సేవలను ప్రారంభించినట్లు పేర్కొంది. ఈ కొత్ మొబైల్ సర్వీస్ వ్యాన్ సేల్స్, సర్వీస్, స్పేర్ పార్ట్స్ సేవలను ఆఫర్ చేస్తుంది. దేశంలోని మారుమూల ప్రాంతాలను లక్ష్యంగా చేసుకొని కంపెనీ ఈ సేవలను ప్రారంభించింది.

ఈ సందర్భంగా హోండా మోటార్‌సైకిల్ అండ్ స్కూటర్ ఇండియా ప్రైవేట్ లిమిటెడ్ సీఈఓ, ప్రెసిడెంట్ కీటా మురమట్సు మాట్లాడుతూ.. తమ నెట్‌వర్క్ విస్తరణలో భాగంగా, దేశంలోని మారుమూల ప్రాంతాలను కూడా కవర్ చేయనున్నామని, ఈ ఏడాది 70 శాతం, సుమారు 1000 టచ్ పాయింట్లను గ్రాణీ ప్రాంతాల్లో ఏర్పాటు చేస్తామని ఆయన వివరించారు.

ఈ మొబైల్ వ్యాన్ ఏకకాలంలో రెండు హోండా మోటార్‌సైకిళ్లను సర్వీస్ చేయగల సామర్థ్యం ఉంది. తమ మోటార్‌సైకిళ్లను ఎలా రిపేర్ చేయాలనే విషయాన్ని కూడా హోండా గ్రామీణ ప్రాంతాల్లోని స్థానిక మెకానిక్‌లకు శిక్షణ ఇవ్వనుంది.