వెస్పా కేర్ రోడ్ సైడ్ అసిస్టెన్స్‌ను ప్రారంభించిన పియాజ్జియో

ఇటాలియన్ ఆటోమొబైల్ దిగ్గజం పియాజ్జియో, భారత మార్కెట్లో విక్రయిస్తున్న వెస్పా స్కూటర్లను వినియోగించే కస్టమర్ల కోసం ఓ సరికొత్త ఆఫ్టర్ సేల్స్ సర్వీస్ ప్రణాళికను పరిచయం చేస్తున్నట్లు ప్రకటించింది.

వెస్పా కేర్ (Vespa Care) పేరుతో ప్రారంభించిన ఈ ప్రణాళికలో భాగంగా, దేశంలోని 51 నగరాల్లో ఉన్న వెస్పా వినియోగదారులకు కంపెనీ 365 రోజులు, 24x7 రోడ్ సైడ్ అసిస్టెన్స్‌ను అందించనున్నట్లు పేర్కొంది. వెస్పా వినియోగదారులకు అత్యవసర సమయాల్లో అవసరమైన మద్ధతును అందించేందుకు ఈ వెస్పా కేర్ ప్రణాళికను డిజైన్ చేశామని పియాజ్జియో వెహికల్స్ ప్రైవేట్ లిమిటెడ్ వివరించింది.

ఒకవేళ వెస్పా స్కూటర్ ఓనర్‌షిప్ మారినా (స్కూటర్‌ను వేరొకరికి విక్రయించినా) సరే, కొత్త ఓనర్‌కి కూడా ఈ కవరేజ్ అసిస్టెన్స్ లభిస్తుందని కంపెనీ తెలిపింది. వెస్పా ఒక ప్రీమియం ఐకానిక్ ఇంటర్నేషనల్ బ్రాండ్ అని, ఇలాంటి ప్రీమియం బ్రాండ్ విషయంలో ఆఫ్టర్ సేల్స్ సర్వీస్ సదుపాయాలు ఎంతో కీలమైనందున ఈ వెస్పా కేర్ రోడ్ అసిస్టెన్స్‌ను భారత్‌లో పరిచయం చేశామని పియాజ్జియో వెహికల్స్ ప్రైవేట్ లిమిటెడ్ (ఇండియా) చైర్మన్, మేనేజింగ్ డైరెక్టర్ రవి చోప్రా తెలిపారు.