బోన్‌విల్ సాల్ట్ ఫ్లాట్స్‌పై ఆర్ఈ కాంటినెంటల్ జిటి ల్యాండ్ స్పీడ్ రికార్డ్

అమెరికాలోని బోన్‌విల్ సాల్ట్ ఫ్లాట్స్ ల్యాండ్ స్పీడ్ రికార్డ్ సృష్టించడం అనేది నిజంగా ఓ గొప్ప అచీవ్‌మెంట్. ఇప్పటికే ఈ సాల్ట్ ఫ్లాట్స్‌పై చాలా మంది పలు రకాల వాహనాలతో ల్యాండ్ స్పీడ్ రికార్డ్స్ సృష్టించారు. తాజాగా రాయల్ ఎన్‌ఫీల్డ్ రీసెంట్‌గా మార్కెట్లో ప్రవేశపెట్టిన కాంటినెంటల్ జిటి కెఫే రేసర్ మోటార్‌సైకిల్‌తో కూడా ఓ కొత్త ల్యాండ్ స్పీడ్ రికార్డును సృష్టించారు.

ఇది కూడా చదవండి: కాంటినెంటల్ జిటి టెస్ట్ డ్రైవ్ రివ్యూ

ఈ రికార్డును సృష్టించింది ఓ మహిళ కావటం విశేషం. ఫిజికల్ థెరపీలో డాక్టరేట్ పొందిన నడీన్ డి ఫ్రీటస్, 500 మోడిఫైడ్ పుష్-రాడ్ పార్షియల్లీ స్ట్రీమ్‌లైన్డ్ (500 ఎమ్‌పిపిఎస్) విభాగంలో, రాయల్ ఎన్‌ఫీల్డ్ కాంటినెంటల్ జిటి మోటార్‌సైకిల్‌తో బోన్‌విల్ సాల్ట్ ఫీల్డ్స్‌పై గంటకు గరిష్టంగా 157.2 కిలోమీటర్ల వేగంతో బైక్‌ను నడిపి ఈ రికార్డు సృష్టించారు.

బోన్‌విల్ సాల్ట్ ఫ్లాట్స్ ఒక ఉప్పు మేట. ఉప్పు గట్టిపడటం వలన ఏర్పడిన ధృడమైన మరియు చదునైన ఉపరితలం కలిగిన ప్రాంతం ఇది. అత్యధిక ల్యాండ్ స్పీడ్ రికార్డులను సాధించేందుకు చాలామంది ఈ ప్రాంతాన్నే ఎంచుకుంటుంటారు. స్పీడ్‌కి ఇది చాలా ఫేమస్ ప్లేస్.