బజాజ్ ఆటో తమ చేతక్ స్కూటర్లను తిరిగి తీసుకొస్తుందా?

భారత ద్విచక్ర వాహన విభాగంలో చరిత్ర సృష్టించిన బజాజ్ చేతక్ స్కూటర్ గురించి కొత్తగా పరిచయం చేయాల్సిన అవసరం లేదేమో. ఒకప్పట్లో స్టేటస్ సింబల్‌గా నిలిచిన బజాజ్ స్కూటర్లు తర్వాతి కాలంలో ఆటోమొబైల్ రంగంలో చోటు చేసుకున్న పలు విప్లవాత్మక మార్పుల కారణంగా కాలగమనంలో కలిసిపోయిన సంగతి తెలిసినదే.

ప్రస్తుతం కేవలం మోటార్‌సైకిళ్ల ఉత్పత్తిపై మాత్రమే దృష్టి సారిస్తున్న బజాజ్ ఆటో తిరిగి స్కూటర్ విభాగంలోకి ప్రవేశించాలంటే చేతక్ స్కూటర్లను మోడ్రన్ టెక్నాలజీ, అధునాత ఇంజన్లతో పునరిద్ధరించడమే ఉత్తమ మార్గం. అయితే, బజాజ్ ఆటో మాత్రం ప్రస్తుతానికి స్కూటర్ విభాగంపై దృష్టి సారించే ఆలోచనలు లేవని చెబుతోంది.

స్కూటర్ల తయారీకి గతంలో రాహుల్ బజాజ్ సంసిద్ధిత వ్యక్తం చేసినప్పటికీ, అతని కుమారుడు రాజీవ్ బజాజ్ మాత్రం సుముఖంగా లేరని సమాచారం. మరి ఇలాంటి పరిస్థితుల్లో బజాజ్ స్కూటర్లు తిరిగి మార్కెట్లోకి వస్తాయా లేదా అనే విషయాన్ని నేరుగా కంపెనీనే వెల్లడించాల్సి ఉంది.