సెప్టెంబర్ నెలలో అత్యధికంగా అమ్ముడైన టాప్-10 టూవీలర్స్‌‌‌‌‌‌‌‌‌‌‌‌‌: మరి ఇందులో మీ బైక్ ఉందా?

10. టి.వి.యస్ జూపిటర్:

గత సంవత్సరంలో అత్యధిక అవార్డులు గ్రహీత అయిన టి.వి.యస్ జూపిటర్ 48,866 యూనిట్ల అమ్మకాలు జరిపి 45.3 శాతం వృద్ధిని నమోదు చేసుకుంది.

ఆన్-రోడ్ ధర రూ. 63,050.

Also Read: మొదటి సారిగా టూవీలర్లకు ప్రచార కర్తగా మారిన అమితాబచ్చన్

9. టి.వి.యస్ ఎక్స్‌యల్ సూపర్:

టి.వి.యస్ ఎక్స్‌యల్ సూపర్ ద్విచక్ర వాహనాలు గత ఏడాది సెప్టెంబర్ నెలలో 69,233 యూనిట్లు అమ్మగా 2015 సెప్టెంబర్‌లో 54,559యూనిట్లను మాత్రమే అమ్మింది. అయితే దీని వృద్ధి -21.1 శాతంగా నమోదు అయ్యింది.

ఆన్-రోడ్ ధర రూ. 35,990.

8. హీరో గ్లామర్:

గ్లామర్ గత ఏడాది ఇదే నెలలో 51,831 యూనిట్లు అమ్మకాలు జరిపి పదవ స్థానంలో ఉండేది. ఇప్పుడు 55,793 బైక్‌లను అమ్మి ఎనిమిదవ స్థానంలో ఉంది. దీని వృద్ధి 7.6 గా ఉంది.

ఆన్-రోడ్ ధర రూ. 67,272.

7.బజాజ్ సిటి 100:

బజాజ్ కు చెందిన సిటి 100 మోడల్ 59,406 యూనిట్లను అమ్మి టాప్-10 లో ఏడవ స్థానాన్ని ఆక్రమించుకుంది.

ఆన్-రోడ్ ధర రూ. 42,733.

6. బజాజ్ పల్సర్:

బజాజ్ పల్సర్ గత ఏడాది సెప్టెంబర్‌లో 68,706 యూనిట్లను అమ్మి ఎనిమిదవ స్థానంలో ఉండగా అదే నెల ప్రస్థుత కాలానికి 66,765 యూనిట్లను అమ్మి ఆరవ స్థానంలో ఉంది. ప్రస్తుతం దీని వృద్ధి శాతం -2.8 గా నమోదైంది.

ఆన్-రోడ్ ధర రూ. 76,940.

5.హోండా సిబి షైన్:

గత ఏడాది సెప్టెంబర్‌లో హోండా సిబి షైన్ 77,644 యూనిట్ల అమ్మకాలు జరగగా ఈ ఏడాది సెప్టెంబర్ నెలలో 69,162 యూనిట్లను మాత్రమే అమ్మింది. అయినప్పటికి టాప్-10లో దీని స్థానం అప్పుడు, ఇప్పుడు రెండు సార్లు ఐదవ స్థానంలో ఉంది.

ఆన్-రోడ్ ధర రూ. 67,856.

4. హీరో హెచ్.ఎఫ్ డీలక్స్:

హెచ్.ఎఫ్ డీలక్స్ 2015 సెప్టెంబర్‍‌లో 101,579 యూనిట్లు అమ్మాకాలు జరిపింది. ఇదే నెల గత ఏడాదిన 104,250 యూనిట్లను అమ్మింది. దీని అమ్మకా వృద్ధి శాతం -2.5 గా ఉంది. గత ఏడాది కూడా హెచ్.ఎఫ్ డీలక్స్ ఇదే స్థానంలో ఉంది.

ఆన్-రోడ్ ధర రూ. 48,220.

3. హీరో ప్యాసన్:

హీరో తన ప్యాసన్ మోడల్ మోటార్ సైకిళ్లను 2015 సెప్టెంబర్‌లో 108,395 యూనిట్ల అమ్మకాలు సాగించింది. గత ఏడాది ఇదే నెలలో 107,239 యూనిట్ల అమ్మకాలు జరిపింది. అయితే అమ్మకాల పరంగా దీని వృద్ది శాతం 1 గా నమోదయ్యింది.

ఆన్-రోడ్ ధర రూ. 58,316.

2.హోండా ఆక్టివా :

స్కూటర్ల నుండి వచ్చిన హోండా ఆక్టివా మాత్రం ఈ నెలలో భారీ అమ్మకాలు నమోదు చేసుకుంది. 2015 సెప్టెంబర్ నెలలో 229,382 యూనిట్లను అమ్మేసింది, గత ఏడాది ఇదే నెలలో 210,797 అమ్మకాలు జరిపింది. దీని వృద్ధి 8.8 శాతంగా నమోదు అయ్యింది.

ఆన్-రోడ్ ధర రూ. 60,781.

1. హీరో స్ల్పెండర్:

హీరో కూడా గత ఏడాది కన్నా ఈ ఏడాది ఊహించని ఫలితాలను రికార్డు చేసింది. గత ఏడాది సెప్టెంబర్‌‌లో 234,844 యూనిట్లు అమ్మగా ఈ సంవత్సరం ఏకంగా 243,188 యూనిట్లను అమ్మింది. దీని వృద్ధి శాతం 3.5 గా నమోదయ్యింది. మరిన్ని ఆసక్తికరమైన విషయాలు తరువాత స్లైడర్‌లో మీ కోసం.

ఆన్-రోడ్ ధర రూ. 54,650.

• సెప్టెంబర్ లో అత్యధికంగా అమ్ముడైన పది కార్లు అందులో మీ కారు ఉందా ?
• యువత మనస్సు దోచుకున్న మోజో బైక్: మోజో గురించి పూర్తిగా మీ కోసం
• హోండాకు పోటిగా హీరో స్ల్పెండర్ ప్రొ: ఎందుకు, ఏమైంది?