ఆప్రిలియా ఎస్‌ఆర్‌-150 పూర్తి స్థాయిలో సిద్దం: ఇంజన్ మరియు ఇతర సాంకేతిక వివరాలు

ఆప్రిలియా సంస్థ తయారు చేస్తున్న ఉత్పత్తుల్లో ఈ ఎస్‌ఆర్-150 స్కూటర్ అత్యంత సరసమైనది. దీని ధర రూ. 65,000 లు ఎక్స్‌ షోరూమ్‌ (పూనే)గా ఉండనుంది.

ఆప్రిలియా ఈ ఎస్ఆర్-150 స్కూటర్‌ను ఆగష్టు 15, 2016 న దేశ వ్యాప్తంగా విడుదల చేయడానికి ఏర్పాట్లు చేస్తోంది.

ఫోటోలలో ఉన్న ఎస్ఆర్-150 స్కూటర్‌ను గమనిస్తే దేశీయం స్కూటర్ సెగ్మెంట్లో మరే ఇతర స్కూటర్ ఈ తరహాలో ఉండనట్లు కనబడుతుంది.

ఎస్ఆర్-150 స్కూటర్‌లో వెస్పా 150 లో వినియోగించిన ఇంజన్‌ను ఉపయోగిస్తున్నారు.

పవర్ మరియు టార్క్

ఇందులోని 154.4సీసీ సామర్థ్యం ఉన్న సింగిల్ సిలిండర్ ఇంజన్ సుమారుగా 7,000ఆర్‌పిఎమ్ వద్ద 11.3బిహెచ్‌పి పవర్ మరియు 5,500ఆర్‌పిఎమ్ వద్ద 11.5ఎన్ఎమ్ గరిష్ట టార్క్‌ను ఉత్పత్తి చేయును.

సస్పెన్షన్ పరంగా ఇందులో ముందు వైపున హైడ్రాలిత్ టెలిస్కోపిక్ ఫ్రంట్ ఫోర్క్ మరియు వెనుక వైపున హైడ్రాలిక్ షాక్ అబ్జార్వర్‌ను అందించారు.

ఎస్ఆర్-150 స్కూటర్‌లో ముందు వైపున 220ఎమ్ఎమ్ డిస్క్ మరియు వెనుక వైపున 240ఎమ్ఎమ్ డిస్క్ బ్రేకును కల్పించారు.

ముందు వైపు 120/70-14 అదే విధంగా 120/70-14 ట్యూబ్ లెస్ టైర్లను అందించారు.

ఇందులోని ఇంజన్ ఉత్పత్తి చేసే పవర్ మరియు టార్క్ మొత్తాన్ని కంటిన్యూయస్లీ వేరిబుల్ ట్రాన్స్‌మిషన్ ద్వారా వెనుక చక్రానికి అందుతుంది.

పియాజియా షోరూమ్‌ల ద్వారా ఆప్రిలియా వారి ఎస్ఆర్-150 స్కూటర్లు అందుబాటులోకి రానున్నాయి.

ఇప్పటికే రూ. 5,000 లతో ఎస్ఆర్-150 ల బుకింగ్‌లను పియాజియో వారు ఆహ్వానించారు.

బుకింగ్స్ చేసుకున్న తరువాత సుమారుగా 45 నుండి 60 రోజుల వరకు వెయిటింగ్ పీరియడ్‌ను ప్రకటించనున్నారు. సెప్టెంబర్ మొదటి వారంలో డెలివరీ ఇవ్వనున్నారు.

ప్రస్తుతం ఇండియన్ మార్కెట్లో ఉన్న 150సీసీ స్కూటర్లు ఏవి కూడా దీనికి పోటీగా లేవు. అయితే పియాజియో షోరోమ్‌లో ఉండే వెస్పా ఉత్పత్తులే దీనికి పోటీగా ఉండనున్నాయి.

• ప్రపంచంలో అత్యంత ఖరీదైన యుద్ధ విమానం ఎఫ్-35 గురించి పూర్తి వివరాలు