బజాజ్ నుండి మరో సంచలనాత్మక మోడల్: డొమైనర్ 400

బజాజ్ తమ చకన్ ప్లాంటు ద్వారా మొదటి విడత డొమైనర్ 400 బైకులను పూర్తి స్థాయిలో ఉత్పత్తి చేసింది. సుమారుగా 15 సంవత్సరాల పల్సర్ ఆధిపత్యం తరువాత డొమైనర్ పేరుతో సరికొత్త బ్రాండ్ నేమ్ ని పరిచయం చేసింది.

చకన్ ప్లాంటులోని ఫస్ట్ బ్యాచ్ డొమైనర్ 400 బైకులను పూర్తి స్థాయిలో మహిళా ఇంజనీర్లే ఉత్పత్తి చేశారు. ప్రస్తుతం బజాజ్ శ్రేణిలో ఉన్న పల్సర్ మరియు అవెంజర్ సిరీస్ ఉత్పత్తుల కన్నా పై స్థానంలో ఈ డొమైనర్ 400 నిలవనుంది.

బజాజ్ శ్రేణిలోని అత్యంత శక్తివంతమైన ఉత్పత్తిగా దృష్టి సారించి డొమైనర్ 400 ను అభివృద్ది చేశారు. డొమైనర్ 400 ప్రీమియమ్ మోటార్ సైకిల్ సరికొత్త బ్రాండ్ పేరుతో మరో విజయపు చరిత్రనులిఖించనుంది.

గతంలో దీనికి క్రటోస్ అనే పేరును పరిశీలించారు, అయితే ఆ పేరును మరో సంస్థ రిజిస్టర్ చేసుకోవడం వలన డొమైనర్ పేరును ఖరారు చేసుకున్నారు. గతంలో సిఎస్ 400 కాన్సెప్ట్‌లో గుర్తించినటువంటి డ్యూయల్ ఇంస్ట్రుమెంట్ క్లస్టర్ తో రానుంది.

అప్పట్లో ప్రదర్శించినటువంటి కాన్సెప్ట్ మోడల్‌కు మరియు ఈ ప్రొడక్షన్ రెడీ మోడల్‌లో బాగా గుర్తించదగిన మార్పు ఏమిటంటే, మునుపటి అప్ సైడ్ డౌన్ ఫ్రంట్ ఫోర్క్స్ స్థానంలో కన్వెన్షనల్ టెలిస్కోపిక్ ఫ్రంట్ సస్పెన్షన్ వచ్చింది. వెనుక వైపున ఎప్పటిలాగే మోనో షాక్ అబ్జార్వర్ అందించారు.

సాంకేతికంగా బజాజ్ డొమైనర్ 400 లో 373సీసీ సామర్థ్యం గల ఫోర్ వాల్వ్ ఫ్యూయల్ ఇంజెక్టెడ్ డిటిఎస్-ఐ లిక్విడ్ కూల్డ్ ఇంజన్ కలదు.

బజాజ్ డొమైనర్ లో వినియోగించిన ఇంజన్‌ను కెటిఎమ్ డ్యూక్ 390 నుండి సేకరించింది. అయితే డొమైనర్ కోసం కాస్త అభివృద్ది చేశారు. ఇది గరిష్టంగా 40బిహెచ్‌పి పవర్ మరియు 30ఎన్ఎమ్ గరిష్ట టార్క్ ఉత్పత్తి చేయును.

డొమైనర్ 400 లో 34బిహెచ్‌పి పవర్ ఉత్పత్తి చేసే ఇంజన్‌ను కూడా పరిచయం చేయనుంది. స్టాండర్డ్ గా యాంటి లాక్ బ్రేకింగ్ సిస్టమ్ రాకపోతే ఆప్షనల్‌గా దీనిని పరిచయం చేసే అవకాశం ఉంది.

ప్రస్తుతం బజాజ్ ఆటో కు డొమైనర్ 400 ఫ్లాగ్‌షిప్ మోడల్‌గా నిలవనుంది. దేశీయ మార్కెట్లో ఉన్న రాయల్ ఎన్ఫీల్డ్ లోని క్రూయిజింగ్-టూరింగ్ మోటార్ సైకిళ్లకు గట్టి పోటీనివ్వనుంది.

బజాజ్ ఆటో ఈ డొమైనర్ 400 ను 1.6 నుండి 1.8 లక్షలు ఎక్స్ షోరూమ్ ధర తో విడుదల చేసే అవకాశం ఉంది.

• తక్కువ బడ్జెట్లో యువతను ఊరిస్తోన్న స్పోర్ట్స్ బైకులు...
• హిస్టరీలో మొదటిసారి: జీరో డౌన్ పేమెంట్ తో మారుతి కార్లు
• సముద్ర గర్భంలో కదిలే రహదారి సొరంగం