150సీసీ సామర్థ్యంతో చౌక బైకును అభివృద్ది చేస్తున్న బెనెల్లీ

By Anil

Published: Wednesday, September 14, 2016, 17:21 [IST]

ఇటలీకి చెందిన ఖరీదైన స్పోర్ట్ బైకుల తయారీ సంస్థ తమ లైనప్‌లోకి అత్యంత సరసమైన మరియు తక్కువ సామర్థ్యం గల 150సీసీ బైకును అందుబాటులోకి తీసుకురానుంది. బెనెల్లీ నుండి తాజాగా విడుదలైన 150సీసీ బైకు యొక్క పేటెంట్ చిత్రం ప్రకారం దీనిని ఫుల్లీ ఫెయిర్డ్ ఉత్పత్తిగా డిజైన్ చేస్తోందని స్పష్టం అవుతోంది.

డ్రాగన్ 150 అనే పేరుతో అందుబాటులోకి రానున్న ఈ బైకు ముందుగా ఆగ్నేయాసియా దేశాలలోని మార్కెట్లోకి విడుదల కానుంది. బెనెల్లీ సామ్రాజ్యంలో అతి తక్కువ సామర్థ్యంతో తయారవుతున్న దీనిని పూర్తిగా ప్రత్యేకమైన ఫ్లాట్‌ఫామ్ మీద రూపొందిస్తున్నారు.

బెనెల్లీ ఈ బైకులో 150సీసీ సామర్థ్యం ఉన్న సింగల్ సిలిండర్ లిక్విడ్ కూల్డ్ ఇంజన్‌ను అందివ్వనుంది. ఖరీదైన ఉత్పత్తుల అందించే బెనెల్లీ నుండి రానున్న ఇది తక్కువ ధరతో అందుబాటులోకి వస్తే మిగిలిన చిన్న చిన్న ఉత్పత్తుల అమ్మకాలు దాదాపుగా ఆగిపోయి పరిణామం రానుంది.

బెనెల్లీ సంస్థ నుండి విడుదలయిన పేటెంట్ చిత్రాన్ని తీక్షణంగా గమనిస్తే ఇందులోని చాసిస్, స్వింగ్ ఆర్మ్ మరియు ఇతర విడి భాగాలు బెనెల్లీ వారి టిఎన్ 15 తో పోల్చితే చాలా విభిన్నంగా ఉన్నాయి.