విడుదలకు సిద్దమైన బెనెల్లీ టొరాండో 302

బెనెల్లీ సంస్థ ఈ టొరాండో 302 బైకును మార్చి 2015 లో ప్రదర్శించింది.

ఇందులో 300 సీసీ సామర్థ్యం ఉన్న ఇన్ లైన్ ట్విన్ సిలిండర్ ఇంజన్ కలదు.

లిక్విండ్ కూలింగ్ సిస్టమ్ ద్వారా చల్లబడే ఇందులోని శక్తివంతమైన ఇంజన్ సుమారుగా 38 బిహెచ్‌పి పవర్‌ను ఉత్పత్తి చేస్తుంది.

ఇది దేశీయంగా విడుదలైతే కవాసకి నింజా 300 మరియు యమహా వైజడ్‌ఎఫ్-ఆర్3 వంటి వాటికి పోటీగా నిలవనుంది. వీటిలో కూడా 300సీసీ సామర్థ్యం ఉన్న ట్విన్ సిలిండర్ ఇంజన్‌ కలదు.

ప్రస్తుతం కవాసకి నింజా ధర రూ. 3.75 లక్షలు, యమహా వైజడ్‌ఎఫ్-ఆర్3 ధర రూ. 3.26 లక్షలుగా ఉన్నాయి. అయితే టొరాండో 302 ధర సుమారుగా 2.85 లక్షలతో విడుదలయ్యే అవకాశాలు ఉన్నాయి.

(అన్ని ధరలు ఎక్స్ షోరూమ్‌గా ఉన్నాయి)

డిఎస్‌కె బెనెల్లీ ఛైర్మెన్ శిరీష్ కులకర్ణి మాట్లాడుతూ బెనెల్లీ టొరాండో 302 బైకును వచ్చే దీపావళికి విడుదల చేయనున్నట్లు తెలిపాడు.

డిఎస్‌కె బెనెల్లీ టొరాండో 302 ప్రస్తుతం పూర్తి స్థాయిలో సిద్దమైంది. ఇది అక్టోబర్ లేదా నవంబర్‌‌ లోపు బెనెల్లీ షోరూమ్‌లకు చేరనుంది.

• ఈ ఏడాదిలో అకులా 310 విడుదలకు సిద్దం చేసిన టీవీఎస్ మోటార్స్