ఫిబ్రవరిలో అత్యధికంగా అమ్మకాలు సాధించిన టాప్-10 టూవీలర్లు

10. బజాజ్ సిటి100

బజాజ్ వారి బడ్జెట్ మోటార్ సైకిల్ 2016 ఫిబ్రవరి నెలలో 42,924 యూనిట్ల అమ్మకాలు జరిగి 10 వ స్థానంలో నిలిచింది. బెస్ట్ మైలేజ్ టూవీలర్ల సెగ్మెంట్లో ఇది మంచి అమ్మకాలు నమోదు చేసుకుంది.

ఇంజన్: 99.2సీసీ, 8 బిహెచ్‌పి మరియు 8 ఎన్ఎమ్ టార్క్‌ విడుదల చేయును

మైలేజ్ : 89 కిలోమీటర్లు

ఆన్ రోడ్ ధర: రూ. 41,000 లు

09. బజాజ్ పల్సర్

బజాజ్ వారి రెండవ ఉత్పత్తి టాప్-10 జాబితాలో చోటు సాధించింది. బజాజ్ తమ పల్సర్‌ను వివిధ రకాల వేరియంట్లలో అందుబాటులో ఉంచింది. అయితే మొత్తం మీద 47,208 యూనిట్ల అమ్మకాలు జరిపి తొమ్మిదవ స్థానంలో నిలిచింది.

• ఇంజన్: 135సీసీ, 13 బిహచ్‌పి మరియు 11 ఎన్ఎమ్ టార్క్ ఉత్పత్తి చేయును
• మైలేజ్: 64 కిలోమీటర్లు
• ఆన్ రోడ్ ధర: రూ. 71,000 లు



08. టీవీఎస్ జూపిటర్

టీవీఎస్ వారి బెస్ట్ సెల్లింగ్ స్కూటర్ జూపిటర్ 47,712 యూనిట్ల అమ్మకాలు సాధించి ఎనిమిదవ స్థానంలో నిలిచింది. అయితే బజాజ్ పల్సర్ అమ్మకాల కన్నా ఇది ఎక్కువ.

• ఇంజన్: 109సీసీ, 8 బిహెచ్‌పి, 8 ఎన్ఎమ్ గరిష్ట టార్క్
• మైలేజ్: 62 కిలోమీటర్లు
• ఆన్ రోడ్ ధర: రూ. 55,000 లు



07. హోండా షైన్

హోండా వారి షైన్ మోటార్ సైకిల్ టాప్-10 జాబితాలో ఏడవ స్థానంలో నిలిచింది. హోండా నుండి చాలా కాలం నుండి టాప్-10 జాబితాలో ఉంటూనే వస్తోంది. అందులో గత ఫిబ్రవరి నెలలో 58,433 యూనిట్ల అమ్మకాలు జరిపింది. హోండా తమ షైన్ బైకులో కాంబి బ్రేక్ సిస్టమ్‌ని అందించింది.

• ఇంజన్: 125సీసీ. 10బిహెచ్‌పి పవర్ మరియు 11 ఎన్ఎమ్ టార్క్ ఉత్పత్తి చేస్తుంది.
• మైలేజ్: లీటర్‌కు 65 కిలోమీటర్లు
• ఆన్ రోడ్ ధర: రూ. 63,000 లు



6. హీరో గ్లామర్

హీరో మోటోకార్ప్‌కు చెందిన గ్లామర్ 2016 ఏడాది ఫిబ్రవరి నెలలో టాప్-10 అమ్మకాల జాబితాలో ఆరవ స్థానంలో నిలిచింది. హీరో గ్లామర్ గడిచిన నెలలో 60,883 యూనిట్ల అమ్మకాలు జరిపింది.

గ్లామర్ టూ వీలర్ డ్రమ్ మరియు డిస్క్ బ్రేకులతో అందుబాటులో ఉంది.

• ఇంజన్: 125సీసీ, 8 బిహెచ్‌పి, 10 ఎన్ఎమ్ గరిష్ట టార్క్ విడుదల చేయును.
• మైలేజ్: 55 కిలోమీటర్లు
• ఆన్ రోడ్ ధర: రూ. 63,500 లు



5. టీవీఎస్ ఎక్స్‌ఎల్ సూపర్

టాప్-10 జాబితాలో మరొక టీవీఎస్ వారి ఉత్పత్తి ఐదవ స్థానంలో ఉంది. టూ వీలర్లకు మరియు స్కూటర్లకు పోటిగా అమ్మకాలు సాధిస్తూ టాప్-10 జాబాతిలో స్థానం దక్కించుకుంది. ఇది 2-స్ట్రోక్ మరియు 4-స్ట్రోక్ ఇంజన్ ఆప్షన్లలో అందుబాటులో ఉంది.

• ఇంజన్: 70 సీసీ, 3.5 బిహెచ్‌పి మరియు 5 ఎన్ఎమ్ టార్క్‌ను ఉత్పత్తి చేయును
• మైలేజ్: 66 కిలోమీటర్లు
• ఆన్ రోడ్ ధర: రూ. 35,000 లు



4. హీరో ప్యాసన్

టాప్-10 జాబితాలో నాలుగవ స్థానంలో ఉంది హీరో ప్యాసన్ టూ వీలర్. ఇది గత నెలలో 81,656 యూనిట్ల అమ్మకాలు సాధించింది.

• ఇంజన్: 97 సీసీ, 7 బిహెచ్‌పి పవర్ మరియు 8 ఎన్ఎమ్ టార్క్ ఉత్పత్తి చేస్తుంది.
• మైలేజ్: 84 కిలోమీటర్లు
• ఆన్ రోడ్ ధర: రూ. 58,000 లు



3. హీరో హెచ్‌ఎఫ్ డీలక్స్

కార్ల మార్కెట్లో మారుతి ఎలాంటిదో, టూ వీలర్ల మార్కెట్లో కూడా హీరో మోటోకార్ప్ అలాంటిదే అని చెప్పవచ్చు. హీరో వారి వరుస ఉత్పత్తి టాప్-10 జాబితాలో చోటు దక్కించుకుంటున్నాయి. హీరో వారి హెచ్‌ఎఫ్ డీలక్స్ గత నెలలో ఏకంగా 1,06,572 యూనిట్ల అమ్మకాలు జరిపింది.

• ఇంజన్: 97 సీసీ, 7.7 బిహెచ్‌పి, 8 ఎన్ఎమ్ టార్క్ ఉత్పత్తి చేస్తుంది.
• మైలేజ్: 83 కిలోమీటర్లు
• ఆన్ రోడ్ ధర: రూ. 50,000 లు



2. హీరో స్ల్పెండర్

మీరు అనుకున్నట్లుగానే రెండవ స్థానంలో హీరో వారి మరొక ఉత్పత్తి స్ల్పెండర్ టాప్-10 లో రెండవ స్థానంలో నిలిచింది. అంతే కాదు హీరో మోటోకార్ప్ వారి ఉత్తమ అమ్మకాలు సాధిస్తున్న బైకు కూడా. గడిచిన ఫిబ్రవరి నెలలో 1,89,314 యూనిట్ల హీరో స్ల్పెండర్ బైకులు అమ్ముడుపోయాయి.

• ఇంజన్: 97సీసీ, 7.4 బిహెచ్‌పి పవర్ మరియు 8 ఎన్ఎమ్ టార్క్‌ను విడుదల చేయును.
• మైలేజ్: 81 కిలోమీటర్లు
• ఆన్ రోడ్ ధర: రూ. 53,000 లు



1. హోండా ఆక్టివా

మీరు నమ్మినా, నమ్మకపోయినా హోండా ఆక్టివా మొదటి స్థానంలో ఉంది అనేది అక్షరాల నిజం. ఎప్పటిలాగే ఆక్టివా అన్నింటి కన్నా భారీ స్థాయిలో 2,10,028 యూనిట్ల అమ్మకాలు జరిపి టాప్-10లో మొదటి స్థానంలో నిలిచింది. అది కూడా కేవలం 29 రోజులు మాత్రమే గల ఫిబ్రవరి నెలలో.

• ఇంజన్: 109సీసీ, 8 బిహెచ్‌పి పవర్ మరియు 8.7 ఎన్ఎమ్ టార్క్‌ ఉత్పత్తి చేస్తుంది.
• మైలేజ్: 66 కిలోమీటర్లు
• ఆన్ రోడ్ ధర: రూ. 53,000 లు



• లీఫు నెలలో దుమ్ము లేపిన కార్ల అమ్మకాలు
• ఏ బైకు ఎంచుకోవాలి అనే అయోమయంలో ఉన్నారా ?
• ఇండియాలో బెస్ట్ మైలేజ్ ఇవ్వగల 8 డీజల్ కార్లు