సెల్ఫ్ డ్రైవింగ్ కార్లను డామినేట్ చేయడానికి సెల్ఫ్ డ్రైవింగ్ బైకులు

By Anil

Updated: Friday, August 26, 2016, 15:33 [IST]

ఆటోమొబైల్ రంగంలో ఇప్పుడు ప్రపంచం మొత్తం ఉన్న హాట్ టాపిక్ సెల్ఫ్ "డ్రైవింగ్ కార్". ప్రపంచాన్నే నడిపిస్తున్న గూగుల్ నుండి ఆటోమొబైల్ రంగంలో దిగ్గజాలుగా వెలుగుతున్న వోక్స్‌వ్యాగన్ వరకు ఎన్నో సంస్థలు సెల్ఫ్ డ్రైవింగ్ కార్ల మీద భారీ ప్రయోగాలు చేస్తున్నాయి.

అయితే ఒక అడుగు ముందు విమానాలను తయారు చేసే ప్రముఖ ఎయిర్‌బస్ సంస్థ ఈ మధ్యనే గాలిలో ఎగిరే కార్లను రూపొందిస్తున్నట్లు ప్రకటించింది. అయితే ఈ గాలిలో ఎగిరే కార్లు మానవరహితం అని తెలిపారు.

అభివృద్ది ఇంతటితోనే ఆగిపోలేదు, ఇప్పుడు కొత్త సెల్ఫ్ డ్రైవింగ్ బైకులు తెర మీదకు వచ్చాయి. ప్రయాణంలో ఎంతో కీలకంగా వ్యవహరించే మనిషే లేకుండా వాహనాలు వస్తున్నాయ. టెక్నాలజీ భీభత్సమైన వేగంతో పరుగులు పెడుతోంది అనడానికి పై మూడింటిని ఉదాహరణలుగా తీసుకోవచ్చు. సెల్ఫ్ డ్రైవింగ్ బైకు గురించి పూర్తి వివరాలు క్రింది కథనం ద్వారా తెలుసుకుందాం రండి.

సెల్ప్ డ్రైవింగ్ ఎగిరే కారు, సెల్ఫ్ డ్రైవింగ్ నడిచే కారు వంటివి ఉన్నపుడు సెల్ఫ్ డ్రైవింగ్ బైకు ఎందుకు ఉండకూడదని ఒక సంస్థ ఇలాంటి బైకును తయారు చేయడానికి సిద్దమైపోయింది. దీనికి సైక్లోట్రాన్ అనే పేరు కూడా పెట్టింది.