విపణిలోకి హీరో లెక్ట్రో సైకిళ్ల విడుదల

ఇపిఎసి పరిజ్ఞానం గల నాలుగు సైకళ్ల ధరలు రూ. 43,000 నుండి 83,000 ల మధ్య ఉన్నట్లు హీరో ప్రకటించింది. రానున్న కాలంలో ఇపిఎసి పరిజ్ఞానం ఉన్న సైకిళ్ల సంఖ్యను 20 కు పెంచాలనే ఆలోచనలో ఉన్నట్లు హీరో తెలిపింది.

దేశీయంగా ఇపిఎసి పరిజ్ఞానం ఉన్న సైకిళ్లకు డిమాండ్ పెరుగుతోందని, వీటి మార్కెట్ బలపడుతున్న తరుణంలో మంచి వృద్దిని సాధిస్తుందని హీరో సైకిల్స్ మేనేజింగ్ డైరెక్టర్ పంకజ్ ముంజాల్ విశ్వాసం వ్యక్తం చేశాడు.

ఇపిఎసి టెక్నాలజీ గల సైకిళ్లలో డిటాచబుల్ (విడదీసి అమర్చుకునే) బ్యాటరీ అనుసంధానం కలదు. దీనికి ఒక్కసారి చార్జింగ్ చేస్తే 50 కిలోమీటర్ల వరకు నిరంతరాయంగా నడుస్తుంది. మరియు సైక్లింగ్‌లో సులభంగా ఉండేందుకు పెడల్స్‌కు మోటార్ అనుసంధానం కలదు.

హీరో సైకిల్స్ తొలివిడతగా ఈ నాలుగు సైకిళ్లను బెంగళూరు, ముంబాయ్, పూనే మరియు ఢిల్లీ అదే విధంగా కేంద్ర రాజధాని పరిధిలో విడుదల చేసింది. తమిళనాడు, కర్ణాటక మరియు మహరాష్ట్రలోని ప్రధాన నగరాలలో కూడా ఈ ఏడాది చివరి నాటికి తమ సైకిళ్లను విడుదల చేయనున్నట్లు తెలిపారు.

• సరికొత్త సుజుకి వ్యాగన్ ఆర్ స్టింగ్ రే - ఇండియా విడుదల కోసమా...?
• సుజుకి: హెచ్.డి.ఎఫ్.సి మరియు పేటిఎమ్ అకౌంట్లు ఉన్నాయా...?